ASI-in Lianpui khuaa pi pu sulhnu enfiah

Aizawl | July 5, 2025: Vawiin khan Archaeological Survey of India Director (Monument) AMV Subramanyam chuan Lianpui khuaa pi pu sulhnu awmte tlawhin National importance a puan a nih theihna tura hmalak ngaite a enfiah.

Archaeological Survey of India Director (Monument) leh amah zuitute hi Lianpui khawtlangin kawtchhuahah an lo hmuak a ni.

Lianpui khuaa Lungphun ropui hi Archaeological Survey of India chuan kum 2021 khan National importance a puan a nih theihna turin Preliminary notification a lo ti chhuak tawh.

Director chuan Delhi a a let leh hunah thil tihfel ngaite a tifel ang a, hun rei lo chhungin Lianpui khua a Lungphunte chu National importance ah puan a ni ang a ti.

Director hi, Superintendent of Archaeologist Gauhati Dr Rajendra Dehuri, Assistant Archaeologist Dr Shyam Singh, leh Assistant Archaeologist K Lalrinchhani ten an tawiawm.

Final notification chhuah a nih theihna tura hma lakpuitu Art & Culture Minister C Lalsawivunga, leh Member of Parliament (Rajya Sabha) K Vanlalvena chungah Lianpui Welfare Aizawl chuan lawmthu an sawi.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]