Apex Bank dincham pualin City bus a thlawnin service dawn

Aizawl | July 24, 2025: Apex Bank dincham pualin July 31 hian Apex Bank Employees Union te hmalaknain Aizawl City bus a thlawnin an service tir dawn.

July 31 hi Mizoram Co-operative Apex bank din champhaphak a ni a. Hemi ni pual leh a lawmna atan Aizawl khawchhunga City Bus Service -ah mipui te'n man chawi ngai lovin a thlawn vekin an chuang thei dawn

Aizawl khawchhung main route ah Bus 16, Line Bus Sihphir lamah 2, Sakawrtuichhun lamah 2 tlan tir tur a ni a. Aizawl khaw pawn branch te pawhin a tul angin Autorickshaw / 2wheeler Taxi / Taxi te an tlan tir dawn bawk a ni.

Tin, Hemi ni a Apex Bank branch zawng zawngah a leng lut hrim hrim te chu chhun thingpui tuihnai tak a thlawn in an ei/in vek dawn bawk.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]