Aizawl | July 23, 2025: Zoram Medical College & Hospital Laboratory Technical Staff welfare (ZLTW) chuan, Indian Confederation of Medical Science (ICMLS) ruahman angin, July 17 – 23 chhungin National Medical Laboratory Professional’s Week (NMLPW) an hmang a, hemi pual hian Sugar leh HbA1c test a thlawnin an kalpui a, dam lote tan cheng sing nga chuang hu a thlawnin test kalpui a, vawiin khan week khar nan thisen an pe.
Zoram Medical College & Hospital Laboratory Technical Staff Welfare (ZLTW) te hian, ZMC&H pediatric ward tan Nebulizer panga leh baby weighing machine (naute bukna) an lo hlan tawh bawk a ni.
Vawiin thisen pek-ah hian unit 40 chuang an pe a, National Medical Laboratory Professional’s Week an hman chhung hian Sugar leh HbA1c test a thlawnin an kalpui a, Sugar hi mi 207 leh HbA1c test hi mi 114 an test hman a, heng a thlawna an thil tih hlut zawng hi (sugar test 207 x 50 =10,350 leh HbA1c test 114 x 350=39,900) cheng 50,250 a ni.
ZLTW hi June 2, 2023 khan hi din tan a ni a, member 67 an awm mek a. Heng memberte hi H&FW, ZMC, TB, MSACS, NHM, ICMR Project, IPA, RKS leh AB-PMJAY hnuaia thawk te an ni.
ZMC&H Medical Laboratory Technical Staff te dinhmun chawisan, Laboratory Quality Assurance System tha kalpui, member te hamthatna ngaihtuah leh ZLTW member te chhiat tawh leh harsatna a chhawmdawl leh that ni a lawmpui te chu an din chhan leh thil tum a ni.
1. Central Laboratory: Section paruk ah in then in chung te chu, Collection centre, Cytology, Clinical Biochemistry, Serology, Hematology, Urine section te an ni a, Nitin Routine test bak ah Emergency Service 24x7 heng section hrang hrang ah te hian an pe bawk.
2. Blood Centre: Blood components hrang hrang Packed Red Blood Cells, Fresh Frozen Plasma leh Platelet Concentrate te an siam thei a. Hei bak ah hian blood donation hospital ah leh hmun hrang hrang ah an nei thin bawk. Blood Centre atang hian engtiklai pawn thisen a lak chhuah theih.
3. Viral Research and Diagnostic Laboratory: Hetah hian PCR, ELISA leh Viral research hrang hrang an ti thin a. Covid- Pandemic lai a COVID RT-PCR kan test na hmun kha ani.
4. TB Culture and Drug Sensitivity Testing laboratory: Tb Follow up Liquid Culture, Follow up microscopy, TRUENAT, First Line Probe Assay (FLPA), Second Line Probe Assay (SLPS) ,CBNAAT te an test thei a. Mizoram ah C&DST lab awmchhun ani a, district hrang hrang tangin LPA leh Follow Up Culture tur an rawn thawn thin a ni.
5. Histopathology: Routine Biopsy, Immunohistochemisty, Frozen section te.
6. ICTC & ART Centre: HIV, VDRL test
7. Microbiology: Bacterial culture and Antibiotic Sensitivity Test, Fungal culture,Surveillance of Food Pathogens from North East India, Anti Microbial resistance, Parasitology routine microscopy, Multi Centric Evolution of Vancans Typhoid RT-PCR Assay hnuai ah te hian test hrang hrang an khawih a ni.
8. MSACS: CD4 count, HIV Viral load test te a ni.
Hei bakah hian Academic section ah Lab. Technician leh lab assistant pakhat theuh department hrang hrang lab enkawl-in an awm bawk a ni.
National Medical Laboratory Professional Week (NLMPW) hi kum 1975 khan American Society for Clinical Laboratory Science (ASCLS) te leh affiliated association ten hmang tan in vawin ni thleng hian hman ala ni a. Ram hrang hrang atang a in zawm khawm in International Federation of Biomedical Laboratory Science (IFBLS) kal tlang in he ni hi hman a ni. ICMLS pawh hi he Federation affiliated member a ni ve bawk.
ICMLS hi state hrang hrang Government leh private hnuaia laboratory profession Lab assistant, Lab technologist, Technical officer, Scientists, etc insuihkhawm in a din a ni a. Hei hi umbrella organization an neih te zing ami a ni a.
July ni 17, 2015 khan Central Government chuan cader restructure na order chhuah in, heta tang hian recruitment rules, qualifications, designations leh career pathway changtlungleh rualkhai zawk kan nei chho ta a ni. Hei hi ICMLS in hun rei tak chhung hma alo lak tawh na ani a, hemi ni denchhan hian July 17- 23 chhung hi NLMPW Week ti in 2016 atang a hman tan a ni. He organization hnuai ah hian ZLTW pawh in ziak lut ve in kum 2024 atang khan NLMPW hi kan lo hmang tan ve a ni.
ICMLS member association thenkhat te chu AIIMS New Delhi, Safdarjung Hospital, Lady Hardinge Medical College and Associated Hospitals, Railway hospitals, JIPMER puducherry, PGIMER Chandigarh te, Haryana State Lab tech Association, All Assam Medical Laboratory Technical Staff ass te leh a dang te.
Kum tin in theme nei in seminar te, poster competition, Continuing Medical Laboratory Education te neih thin a ni a. Kumin hian, 'Molecular Technologies and AI: The next frontier in Clicnial Laboratory Diagnostics,' tih thupui an hmang a.
. Medical Laboratory Profession kan chawikan na leh hriatzau nan te
. Mipui ten kan hnathawh chiang zawk a an hriatthiam theih nan te
. Laboratory profession leh thawktu te tan a hamthatna leh hlawk zawkna a awm theih nan te
. Lab community tin he ni hi uar zawk a kan hman theih na te
. Theme hrang hrang awm thin ang a hmasawnna mil a thiamna kan neih theih nan te he hun hi hman thin ani.
.
Post a Comment
He post chungchanga i ngaihdan lo sawi ve rawh: