Youth Icon star te'n Charity Concert atanga sum tlingkhawmte sem

Aizawl | June 18, 2025: LPS Vision Production leh Youth Icon 2024 top 10 te tangkawpin khuarel chhiatna tuarte tana Charity Concert an buatsaiha mipui sum thawhkhawm chu Icon star te'n an sem chhuak.

Youth Icon top 10 te chuan nimin atang khan tanpuina sum hi an sem chhuak tan a. Vaivakawn Local Council hnenah Rs. 1,50,000 an hlan a, heng sumte hi Vaivakawn Zohnuai, Thlanmual bula lei khi avanga an chenna in rauhsan a, YMA Hall-a cheng lailawk rih chhungkaw 10 hnenah nimin vek khan hlan nghal a ni.

Youth Icon 2024 top 10 te hi vawiin khan tanpuina sum hlan turin Serchhip-ah an feh chhuak leh bawk a, Icon star te hian tanpuina sum Rs. 300000 chu Sub-Hqrs. YMA Serchhip Secretary Zonunsanga Kawlni leh Fin. Secretary H Lalbiakhlua te kutah an hlan a, YMA hruaitute leh Youth Icon Top 10 aiawh mi pali te chuan veng paruk - Dinthar Veng, Saron Veng, Field Veng, P&E Veng, Chhim Veng leh Chanmari Veng-a vanduaina tawk te chu kal chilhin tanpuina sum hi an hlan a, chhungkaw 20 te chu cheng 15000 theuhin tanpuina an pe.

Serchhip Sub-Hqrs. YMA chuan hetianga LPS Vision Production leh Youth Icon 2024 Top 10 ten khuarel chhiatna tuarte tana Charity Concert an buatsaih chu ropui an tih thu leh mipui sum thawhkhawmte Serchhip-a vanduaina tawkte hnenah an hlan chu lawmawm an tih thu an sawi a, hemi atana sum thawhtute leh Branch hrang hranga lo buaipuitute chungah lawmthu an sawi bawk a ni.

LPS Vision Production leh Youth Icon 2024 top 10 te chuan June ni 7, 2025 zan khan ruah sur nasa avanga khuarel chhiatna tuarte puihna turin Charity Concert an buatsaih a, vehbur an khawn atanga mipui sum thawhkhawm tling khawm chu cheng nuai 6 leh sing 6 chuang a ni a, heng tanpuina sum te hi khuarel chhiatna tawk nasa khua leh vengah te sem chhuah a ni.

• • • • • • 

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ