CEO leh thuthar thehdarhtute'n chak zawka inthlan kaihhnawih thil puanzar dan tur sawiho

Aizawl | June 18, 2025: Vawiin chawhnu khan Chief Electoral Officer Dr. Lalrozama chuan MINECO-a a pisa-ah thuthar lakawmtute lengah sawmin, Mizoram chhunga inthlanna kaihhnawih chak zawka puanzar kawnga hmalakho dan tur a sawipui.

CEO Dr. Lalrozama chuan sorkar laipuia inthlanna kalphung felfai leh tha neihna tura thuthar lakhawmtu media person te an pawimawh thu sawiin, election chu mipui nene inngheng, mipuiin an theihna leh chakna leh dikna chanvo an lantirna hmanrua a nih miau avangin thu dik leh thu pawimawh te, electoral roll kaihhnawih a an hriat tur thu pawimawh tak tak te rang tak leh belhchiandawl taka pekchhuah zung zung a tul thu a sawi.

CEO chuan, inthlan kaihhnawih thil mipuiin thu dik leh rintlak an hriat zung zung theihnan thuthar thehdarhtute an pawimawh thu leh thawhhona tha tak neihpui chhunzawm zel an beisei thu a sawi a. Chutiang bawkin Election Commission of India pawhin election process a mediaperson te an tel ve chu a ngaihpawimawh thu a sawi bawk.

Vawiin inkawm khawmnaah hian thuthar thehderh kawnga hmasawn dan tur leh hmalak zel dan tur te uluk taka sawiho a ni.