UD&PA Minister K Sapdanga'n YMA Branch tin te faina kawngah inelna thianghlim nei turin sawm

Aizawl | June 28, 2025: Nizan khan Central YMA(CYMA) Hall, Tukhuahtlangah Aizawl Khawpui huam chhunga Veng Fai inelna Programme khuh hawnna neih a ni a. He hun hi UD&PA Minister K Sapdanga chuan hmanpuia, YMA Branch tin te chu faina kawnga mipui kaihruaitu ni turin sawıkar thawhpuiah a sawm.

K Sapdanga chuan faina kawngah sawrkar leh YMA te an thawkho thei chu lawmawm a tih thu leh hemi kawnga hmalakna ti hlawhtling tur chuan YMA chakna tha leh phungbawmna a pawimawh thu te a sawi hmasa a. YMA leh Faina chu thil inhmeh tak nia a hriat thu te, Aizawl khawpui chhunga YMA Branch te chauh ni lovin Mizoram khawtina YMA Branch te leh tlawmngai pawl rual te chu Faina kawngah Mizoram mipui kaihruaitu ni turin a sawm a ni.

UD&PA Minister chuan, tunah hian Aizawl chhuah lamah bawlhhlawh kan paih thin thu te, AMC enkawl lai bawlhhlawh paihna hmunah bawlhhlawh kan sawngbawl mek dan te a sawi a. Sawrkar chuan bawlhhlawh kan sawngbawl dan hi uluk zawka kalpui turin hma a la mek a. Bawlhhlawh tawih thei te Aizawl chhuahlamah paih chhunzawn a ni dawna. Aizawl tlak lamah bawlhhlawh tawihtheilo te sawngbawlna kalpui tumin hma a la mek ni thung tih a sawi bawk.

Veng Fai Inelna hi CYMA, UD&PA, AMC bakah Aizawl Smart City Project te nena tangkawpin buatsaih a ni a. Nizana Veng Fai Inelna program khuh hawnnah hian Aizawl khawpui chhunga Branch YMA tin atangin hruaitu mi pahnih zel an tel a ni. He hunah hian Veng Fai ineina buatsaih meka tehfung hrang hrang, endik dan tur te leh thil pawimawh dangte inhrilhfiah a ni bawk.

Faina Inelna thiltum te chu Aizawl khawpuj Garbage Free City a siam, Veng tina bawlhhlawh thliarhran that dan inzirtir vantlang inthiara leh zunin vawnfai ınzirtir, vantlang hmun lun lai vawn fai, bawlhhlawh sawngbawl that leh faina leblh thianghlimna kawnga mipuite inzirtir leh thawhhona tha zawk neih te a ni.

Endik vawikhatna hi kumin September atanga December thleng, endik vawihnihna chu Nakum January atanga March Ieh Result puan hun atan nakum Chanchar Kut Program ruahman lawk a ni a. Lawmman pakhatna Rs 3,00,000/-, pahnihna Rs 200,000/ leh pathuma atan Rs 1,00 000/-ruahman a ni a. Branch himasawn zual te pual pawhin lawmman, a hranpa in siam a ni dawn bawk a n. Endiktute hi mi pathum; Save the Riparians atangin Romalsawma, Journalist K Zothanpara leh CES Member Gospel Lallawmzuali te an ni.

Veng Fai inelna Programme khuh hawnna hi CYMA Treasurer Roneihthanga'n a kaihruai a. He hunah CYMA President Lalhmachhuana, CYMA hruaitu dang te leh Concerned Department official te pawh an tel bawk a ni.

Prof Malsawmliana, GS, CYMA in report a pe a. Pu Lalmalsawma Pachuau, Secretary, UD&PA hnen atanga Faina kawnga sawrkar hmalakna hrang hrangte ngaihthlak a nih zawhah Veng Fai Inelna kalpui dan tur te endiktute lam atanga ngaihthlak leh sawiho in a zui a. Pu Jacob Lalawmpuia, Director, UD & PA chuan lawmthu sawiin huntawp a khar thung.