". . taimakna tello chuan hlawhtlinna tak tak a neih theih loh,"

Aizawl | June 5, 2025: Mizo Zirlai Pawl, Hnahthial Headquarters buatsaihin vawiin khan Horeb Lodge, Hnahthial-ah HSLC leh HSSLC pass tharte lawmpuina hun an hmang a, South Tuipui bialtu MLA leh ZPM Thalai President Jeje Lalpekhlua'n khuallia niin a hmanpui a, MZP general Headquaters, Aizawl General Secretary Chinkhanmanga Thomte chu uaptu a ni a, MZP Treasurer Zairemthanga'n a tawiawm bawk.

Khuallian chuan zirlai pass tharte a lawmpui thu sawiin, tuna an hlawhtlinna chu a bul tanna tur chauh a nih thu a sawi.

An thil tihna apiang ah chhawr tlak ni tur khawp a thiamna nei tur a chah in an thiamna leh theihna te chu khawtlang leh ram tana hmang chhuak turin a chah a, taimakna tello chuan hlawhtlinna tak tak a neih theih loh thu sawiin, an thil tihna engkim ah midangte ai nasa a thawkrim turin a chah a. Mithiam tak tak ruihhlo avanga hman tlak loh an tam thu sawiin, zu leh ruihhlo laka fihlim tlat turin Zirlaite a chah a ni.

Lawmpuina Programme ah hian Hnahthial District chhunga HSLC leh HSSLC zirlai ti ṭha te bakah, School pass kimte pawh lawmpuina hlan an ni.

Zirlai tithate lawmpuinaah hian MZP General Secretary pawhin thu sawiin, MZP Hqrs Hnahthial Secretary PC Lalhlimpuia'n report pein, MZP Hqrs Hnahthial President Jimmy Lalrosanga'n inlawmna thu a sawi a, Hnahthial SDC Lawrence Lalhlanthara, MCS chuan zirlaite fuihna thuchah a sawi bawk a. MZP Hqrs Hnahthial Vice President C Rodingliana'n kal khawmte hnenah lawmthu sawina hun a hmang bawk.

HSSLC aṭangin:-

1)Vanlalchhandami d/o C Vanlalhruaia - FD Higher Secondary School,

Hnahthial

2. Monica Vanlalruatsaki d/o C Lawmsanga - FD Higher Secondary School,

3. Ngurthansangi Sailo d/o Lalchhanhima Sailo - FD Higher Secondary School,

4. Bethsy Lalthansangi d/o T Zahmingthanga - Chhipphir Higher Secondary School

5. Julie Liansangpuii d/o C Lalnghakliana - Chhipphir Higher Secondary School

6. Ngurmuansangi d/o Bonny Lalrinliana - Chhipphir Higher Secondary School

7. RK Liansangpuii d/o Lalhualhima - Chhipphir Higher Secondary School

8. C Lalmuankima d/o C Zohmingliana - Chhipphir Higher Secondary School

te an ni a, Special Appreciation & Obituary ah

Malsawmsangi d/o Lalhriatpuia Pachuau, Electric Veng Hnahthial (Commerce Stream 9th na) leh FC Johan Laldinpuia s/o Dingngheta, Electric North, Hnahthial te chu lawmpuina hlan an ni a, HSLC titha te atangin,

1. H Lallawmzuali d/o - Gov’t High School, Hnahthial

2. Vanlalawmpuia s/o - Gov’t High School, Hnahthial

3. PC Vanneihtluanga s/o - Gov’t Pangzawl High School, Pangzawl

4. H Malsawmtluangi d/o - Bualpui ‘V’ RMSA Secondary School

5. Ruthi Lalneihpuii d/o - Bualpui ‘V’ RMSA Secondary School

te chu lawmpuina hlan an ni.