Aizawl | June 5, 2025: Vawiin khan Chief Minister Lalduhoma chuan a bial, Serchhip, Thenzawl, Buangpui leh Neihloh khuaa tun hnaia ruah nasa vanga chhiatna thlenna hmun te a tlawh.
Chief Minister hian Serchhipah bul tanin DC Meeting Hall ah DC Paul L. Khuma leh district official pawimawh te nen Serchhip district dinhmun tlangpui sawihona an nei a. Chu mi hnuah P& E venga in chimna hmun te, Chandmary venga in chimna te, Tuikhuah venga leiminna hmu te, Sesah luia chhiatna thlenna leh Dinthar venga in chimna hmun te a tlawh.
Chief Minister hian Buangpui pan lehin Buangpui Mini Community Hall-ah khawtlang hruaitute leh official te nen inkawmna an nei leh a, chhiatna thlenna hmun te a en bawk. Neihloh khua pan lehin khawtlang hruaitute nen inkawmna an nei leh a, khawchhung an fang bawk. Neihloh hi tlawhpawh theih lohvin an awm reng a, vawiin hian an khaw kawng hi a tlang ve chiah a, Chief Minister hian a tlawh nghal a ni.
Neihloh khua a tlawh zawh hian Thenzawlah chhiatna thlenna hmun hrang hrang te a fang leh bawk.
Khaw hrang hranga khawtlang hruaitute nena an inkawmnaah hian Chief Minister chuan, chhiatna leh harsatna a lo thleng laka hma an lakna tinrengah Serchhip DC leh a thawhpui te, official te, tlawmngaipawl leh khawtlang hruaitute chungah lawmthu a sawi a. Heng khuarel chhiatna a lo thlen hian kan intanpui a, kan inpeizawn liam liam a ngai thin. Tun tum chhiatna vanga hnam dang khualzin, kawnga tangkhangte pawhin Mizo mipuite chet dan an fak viauin ka hria a, kan inpuih tawn thinna ri hi a ring hle a ni, a ti.
Sawrkar chuan theihtawp chhuahin hma a la zel dawn a, vanduaina tawk te hnena tanpuina pek tur chite pawh a rang lama pek zel kan tum a ni. Central sawrkarah pawh a rang lamin kan thlen ang, tiin sawrkar hmalak dan tlangpui a hrilh bawk.
Serchhip DC Paul L Khuma tarlan danin he ruahsur nasa vang hian Serchhip district-ah in chhe vek 25, chhe nasa 19, a then lai chhia 18, hmun him zawk pana insuan chhuak chhungkaw 108 leh leimin 150 report a awm a. Lei (bridges) 5, Public water tank 2 leh Tuikhur 18, retaining wall chim 20 a awm bawk.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: