Aizawl | June 26, 2025: School Education Minister Dr. Vanlalthlana chuan vawiin khan Vanapa Hall-ah Adult Education Wing, Directorate of School Education buatsaih, Meichher Golden Jubilee lawmna hun chu khuallian niin a hmanpui a. Meichher Jubilee Special Edition a tlangzarh bakah Jubilee chhinchhiahna thu tar (monument) a hawng nghal bawk.
Thlalak: HETAH
Education Minister chuan, Adult Education Wing hnuaia chanchinbu chhuah thin, Meichher chu ram hmasawnna mei hliau kaia chhem alhtu hlu tak a nih thu leh kum upate hnena ziak leh chhiar zirtirna hmanraw tangkai tak a nih thu a sawi a. Meichher chanchinbua thu leh hla lama mi ropuite sulhnu chhiar tur tam tak a awm chu hlu a tih thu sawiin, he hmalakna hi duh tawk mai lova chhawmnun zel a tul a ni, a ti a. Ziak leh chhiar thiamah duh tawk mai lova, hmalam hun ngaihtuah chunga sum enkawl leh peipun dan ‘financial literacy’ thiam tuma ngaihven a tul thu sawiin, kalkhawmte chu mahni inhaikuak tum tur leh mithiam zawkte rawn hreh lo turin a chah a ni. Dr Vanlalthlana chuan Meichher chanchinbu chu eng zual zel turin duhsakna a hlan a ni.
Padma Shri Award dawngtu leh Meichher editor hmasa ber R Lalrawna hnen atangin bul an tan dan leh hmalak tawh dante ngaihthlak a ni a. Meichher chu ziakmite nena thawhhona tha leh ram hmasawnna atana thahnemngaihna rah a a nih thu sawiin, Meichher chanchinbuin kum 50-na hmel a hmu ta chu ropui a tih thu a sawi a ni.
Golden Jubilee lawmna hunpuiah hian department hotute leh thu leh hla lama sulsutute an tel a. Pi Angela Zothanpuii, School Education Department Director-in kaihruaiin sawihawnna hun a hmang nghal a. Pu T.C. Lalremsiama, Assistant Director i/c Adult Education, Meichher Editor ni mekin report a pe a. Pi R. Laltanpuii, Deputy Director (AE), Directorate of School Education chuan lawmthu sawiin hun a khar a ni.
Meichher Editor TC Lalremsiama report atanga hmuh danin, Adult Education Wing, Directorate of School Education-in a tihchhuah, Meichher chanchinbu hi March-April, 1975 khan Zoram Eng tih hming puin a vawi khatna atan chhuah a ni a. October, 1975 atangin Meichher tih hming hi a pu tan a. Kum 50 chhung chu copy 3000 zel chhuah niin, June 2025-a chhuah chu bu 808-na a ni a. Meichher tihchhuah tan tirh atangin Publisher atan Department Director hman thin a ni a. Mizo zinga ziaktu lar kan neihte kutchhuak a lo chuang nual tawh a, ziak thenkhat chu Mizoram Board of School Education hnuaia Mizo zirlai bua telh a lo ni tawh bawk a ni.
Meichher Golden Jubilee Pual hian Mizo Academy of Letters (MAL), Mizo Writers Association (MWA), Mizo Poetry Society (MIPOTY)-te nen tangkawpin article inziahsiak leh poetry inphuahsiak huaihawt a ni a. Poetry endiktute chu Pu F. Vanlalrochana, MPS, MAL Book of the Year 2024 Awardee te, Pu K.C. Lalthansanga, MIPOTY Secretary te leh Dr. H. Laldinmawia, MIPOTY President te niin, article endiktute chu Dr Zoramdinthara, MAL General Secretary leh MWA Secretary H Ngurthansanga te an ni a. School Education Minister Dr Vanlalthlana, School Education Director Angela Zothanpuii leh Mizo Language Development Board Chairman R Lallianzuala ten a tithate hnenah lawmman an hlan a ni.
Lawmman hi Samagra Shiksha Mizoram lam tum a ni a. A dawngtute chu a hnuaia tarlante hi an ni.
MEICHHER GOLDEN JUBILEE PUAL ARTICLE INZIAHSIAK RESULT
(Article 65 Nos.)
A. Mipui Huap Pual (Open Category)
1-na: Ram leh hnam humhathna leh thu leh hla - H.Lalawmpuia, Dil veng. Khuangleng/Republic Veng.
2-na: Mizo Mizona - C. Vanlalzawma, Mission Vengthlang, Aizawl.
3-na: Ka nu ka lo haw - T.C. Jonunsanga, Lunglei Venglai, Lunglei.
B. High School Leh Higher Secondary School Zirlaite Pual
1-na: Nun Hlutna - P.C. Malsawmdawngzeli d/o Zoramchhana, Modern English HSS, Dawrpui, Aizawl.
2-na: Awmze Neia Taimakna - Malsawmzuali d/o Lalenglawma, Modern English HSS, Dawrpui, Aizawl.
3-na: Ram leh Hnam Humhalh - Cht. Fanchun s/o F.Sanghaia.
C. College leh a chung lam Zirlaite Pual
1-na: Lehkha ziah hlutna leh thiltihtheihna - Edward Lalmuanpuia, PUC, Aizawl.
2-na: Tolle Lege! Tolle Lege! Lalnunmawia Khawlhring, PUC, Aizawl.
3-na: Lehkha chhiar - Joel Laidinthara, GAC, Aizawl.
D. Primary School leh a chung lam Zirtirtute Pual
1-na: Zirna - H Lalawmpuia, Asst. Professor, Gov't. Aizawl West College.
2-na: Mizote leh puipun - T Lalramnghaka, Headmaster, Gov't. Selchhunga P/S, Saitual.
3-na: Khawtlang nun siam that - H. Lalramsanga, Headmaster, New Serchhip Secondary School (Samagra).
MEICHHER GOLDEN JUBILEE PUAL POETRY INPHUAHSIAK RESULT
(Poetry 172 Nos.)
A. Open Category
1-na: Vanlalthlana, Serchhip Vengchung, ‘Darfeng Uria (II Samuela 11:1-26)’
2-na: H Zoherliana (Zova Hrahsel), Sihfa, Saitual Dist. ‘To Haw Hla’
3-na: L Pachuau, Aizawl Venglai. ‘Pathlawi Nula Rim’
B. University Level
1-na: Elizabeth Lalthanpuii, College Veng, Aizawl, 2nd Semester, Deptt. of Political Science, Pachhunga University College. ‘A Mi Zaleng Zawng Zingah Ka Pa’
2-na: R Lalruatpuia, Pukpui, Lunglei, 4th Semester, Deptt. of Mizo, Mizoram University. ‘A Pawi Em Mai’
3-na: Laldintluanga, Sialhau, 2nd Semester, Deptt. of Mizo, Mizoram University. ‘Kan Ro’
C. College & Higher Secondary School Level
1-na: Zonunkima, Model Veng, Lengpui, 6th Semester, Deptt. of Political Science, Govt. Aizawl West College. ‘Chapchar Awllen’
2-na: Jenny Lalrawngbawli, Class XI (Science), Home Mission School, Zemabawk Branch. ‘Chhawrthlapui’
3-na: Jedidia Darthangura, Phuaibuang, 2nd Semester, Deptt. of English, Govt. Hrangbana College ‘Zoram Zun’
D. High School & Middle School Level
1-na: Malsawmtluangi. Class-IX, KD High School, Saron Veng, Aizawl. ‘Hawh U! Faina Beihpui I Thlak Ang U’
2-na: B Lalhmingsanga, Khawbung, Class VIII, Govt. Khawbung Middle School. ‘Untitled’
3-na: Lalhruaikimi, Zawlnuam Vengpui. ‘Duhthlanna’
E. Meichher Special Category
1-na: R Malsawmthanga, Rengdil. ‘Meichher Zun Zam’
2-na: B Malsawmkima, Chanmari-III, Lunglei. ‘Meichher’
3-na: R Lalhlimpuia, N. Lungleng. ‘Meichher’
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: