Ruahsur vanga chhiatna thleng thei laka zirlaite him nan sikul chawl leh dawn!?

Aizawl | June 2, 2025: Ruahsur nasa avanga chhiatna thleng thei laka zirlaite him zawk nan Aizawl District-a sikulte, attendance suspend / hming lam lo turin Aizawl Bawrhsapin thurawn a pe.

Aizawl Bawrhsap Er. Lalhriatpuia’n thuchhuah a siamah chuan ni thum liam ta chhunga Aizawl district huamchhungah ruah tam tak a sur avanga lemin leh lung tla tiamin chhiatna hrang hrang a la thlen theih avangin zirlai naupangte an lo him zawk nan Aizawl District chhunga sikul te chu naktuk, June ni 3, (Thawhlehni) hian attendance suspend / hming lam lo turin thurawn a pe.

Hming lam lo tura thurawn pek an nih avangin, Sikul chawlh leh chawlh loh erawh, sikul lam thuneitute thu leh mawh a ni dawn niin a lang!

Naktuk hi an chawlh leh chuan, ruahsur vanga a zawna ni 4 sikul an chawlhna a ni tawh dawn a ni