I NUNAH PUITU I MAMAWH

 Tihdanglam Tawh

- Rick Warren

- June 3, 2025

 

“In ritphurhte chu inchhawk tawn rawh u, chutichuan Krista dan thu chu in zawm a ni ang.“Galatia  6:2

Pawl te zawkah te chuan Bible thu zawmte hi kawng lehlamah chuan a harsa lo va, “In ritphurhte chu inchhawk tawn rawh u, chutichuan Krista dan thu chu in zawm a ni ang,“ a tih te pawh hi. Galatia  6:2

He laiah hian thu ngaihnawm tak mai a awm: I lawmna i sawichhuah chuan, a letin i hlawk a. I lungngaihna i sawichhuahin a chanve in a ni thung.

In pawlho anga in kalkhawm chuan, “Ka lawm lutuk, ka hnaah ka kaisang,” ti la. An lawmpui vek thei ang che. I lawmna chu i tipung tihna a ni. I lawmna chu i sawichhuah chuan, a punbelh zel ang.

In pawlho angah chuan in chhungteah chhiattawk an awmin emaw daktawr hnen atangin chanchin lawmawm lo tak i hriat pawhin, i lungaihna chu an tuarpui chea, a zatve chauh nangman i tuar ang anih chu. Nangmah maiin i lungngaihna chu i tawrh a ngailo tihna a ni.

Kawng danga kan en chuan, chanchin inhrilhtawn chu i tan a tha. Bible-in min hrilh a, “Lawmte chu lawmpui ula, ṭapte chu ṭahpui rawh u.” Rom 12:15.1 Korinth 12:26 chuan, “Chutichuan, peng khatin a tuar chuan peng zawng zawngin an tuarpui thin, peng khat chawimawia a awm chuan peng zawng zawngin an lawmpui thin.”

Kan pawlten min buaipui lo sela chuan tun dinhmun hi ka thleng lo vang. Ka fapa a thih khan, a in kawtah police nghakin kan awm thap a. Kar lovah ka pawlpuite chu an lo thleng zung zung a. Engmah an ti lo va. Engmah an sawi hran lo. Kan tan khan an awm tawp mai a ni.

Chumi zan chuan, kan pawlte chu kan inah an lo kal khawma, min tlaivar pui a. Mutna pawh kan nei vek biklo, chhuat ah leh a rem remah an mu ve tawp mai a ni. “Kan kalsan lo vang che” an ti anih chu. Min tahpui a. Min sunpui a. Chu chu pawlho intanpui dan a ni.

I nunah chutiang pawlho chu i nei ve em? Chutah chuan in intanpui tawn em? Tumah ka mamawh lo i ti a ni maithei e, nimahsela chhiat i tawh hunah chiah i mamawhzia chu i hrechhuak ang. 

I lawmna an lawmpui emaw i tawrhna an tawrhpui che emaw chuan, chutiang chu a ni pawlho ina Isua zirtirna hmangaihna leh inngaihsak tawnna kan inzirtirna chu ni.

Ngaihtuah zui atan

* I lungngaih laia I kianga awmte khan engmah sawi lo mahse an tangkaina kha engtia nasa nge ni ?

* Pawlho anga in inpuihtawn lehzual theihna turin engnge i paih bo ngai?

* Midang lawmna emaw lungngaihnaah emaw engtin nge i rilrua awm sawichhuakin i puih theih ang?

[Lettu: Sangpuia]