CM hovin ILP online leh Railway Police chungchang sawiho

Aizawl | June 2, 2025: Vawiin khan Chief Minister Pu Lalduhoma hovin a office-ah ILP leh Railway Police chungchang sawihona meeting neih a ni a. Pu K. Sapdanga, Home Minister leh Official pawimawh te an tel.

Meeting hian ILP Guidelines thlirletna leh a thar tih belh tut rawtna te, online ILP Phase 2 kalpui dan tur te, permit in a phal chin baka rei lo cham ru te dapchhuahna leh Railway Police dinna tur chungchang te an sawi.

Pu Vanlalmawia, Secretary, Home chuan Online Inner Line Permit kalpui mek chungchang sawifiahna a nei a, tih belh emaw siam that ngai, Deputy Commissioner zawng zawngte atanga rawtna an dawn te pawh a tarlang. 

Online ILP portal kalpui dan hi Lalrinfela, Informatics Officer, ICT chuan a entir (demonstrate) thung a. A kalpui dan tur tha zawk nia an ngaih te an sawiho nghal zel bawk. ILP hi online veka kalpui theih a la nih loh avangin hmun thenkhatah chuan tunhmaa kal dan (off line) anga kalpui a la ni.

DP & AR lam chuan a thuphungin Railway Police dinna hi a pawm tawh a, zirchianna neih chhoh mek a ni. Sairang Rel station hi June thla chanve velah chuan hawn theiha peih a ni mai tawh dawn a. A rang lama hmalak a tul nia sawi a ni.

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ