"nakkum atangin hmunphiah ro chu grade sawi lovin sorkarin a lei dawn," - PC Vanlalruata

byAdmin — 0
"rate chhiat ber kumah pawh Sawhthing manah cheng vbch 85 chuang zet sorkarin a seng,"
-  PC Vanlalruata, Minister, Agriculture & Farmers Welfare, etc.


Aizawl | June 23, 2025:  Vawiin khan ZPM party chuan chhung inkhawm Party Office-ah an hmang a, Agriculture & Farmers Welfare Minister PC Vanlalruata chuan thu sawiin; thlai thar market buaipui tak tak tur chuan thlai bawh bik kan neih a ngaih thu a sawi a, "nakkum atangin hmunphiah ro chu grade sawi lovin sorkarin a lei dawn," thu a sawi bawk.


PC Vanlalruata chuan, “Hun rei tak politics lo khel tawhte leh ram siam that duh avanga ZPM zawmtu ten sorkarna kan siam ho a, tunah hian kan zavaia thawhrah kuthnathawktu ten an tel mek a, mi hlui thawhrah bik a ni lova, mi thar tih theih a ni bik chuang lo. Kan tanhona hian kuthnathawktute a ti lawm mek a ni. Pathianin ramtiam lam pan turin Abraham-a a ko a, a chhungte leh lainate kalsanin thuawih takin a khua a chhuahsan a ni. Vawiin hian keini pawhin keimahni mimal hamthatna atana politics kan khelh chuan lungawi lohnain min umzui nghal dawn a, ramtiam lam thlira Zoram tana ke kan pen a nih chuan keimahniah lungawina leh hahdamna a thleng dawn,” a ti.

Agriculture Minister chuan, “ZPM sorkar hi a lo din tirh atanga vawiin thlengin Zoram mipuite tan a ding reng a, ‘Sorkar hnathawkten min dem mai ang’ tih hlau chungin aikal lak kan titawp a. Sum leh pai tam tak sen a ngai dawn tih hre reng chungin thlai thar lei kan buaipui mek bawk a ni. Thlai thar lei chungchangah hian kan Chief Minister a fakawm tak zet a ni. Sum leh pai harsatzia leh Sawhthing rate chhiat ber kum a ni tih hre reng chungin Kuthnathawktute tihbeidawn a duh lo a, a department changtu Minister ka nihna ang pawhin ka lawm tak zet a. Zoram kuthnathawktute lawmthu sawina pawh ngaihthlak a nuam hle a ni,” a ti a.

PC Ruata chuan, “Sorkarin direct-a Sawhthing a lak zat hi Qtl. 94,160 a ni a, support price a pek zat hi Qtl. 1,21,740 a ni tawh. June ni 21, 2025 thlenga Sawhthing lak tawh zat belh khawm chu Qtl. 2,15,900 zet a tling tawh a. Sawhthing rate chhiat ber kumah pawh sorkarin cheng vaibelchhe 85 chuang a seng tawh a ni. Hmunphiah chungchangah Empanelled Firm ten sorkar rate anga lei turin an intiam a, an intiam anga an kal leh tak loh avangin kan bul tanna a fuh hlel deuh hlek a, chuti chung chuan ZOHANDCO kal tlangin kumin March thla chhung khan Sorkarin Kg. 2,49,828 a lei a. Kum a lo thar ang a, hmunphiah ro chu grade sawi lovin sorkarin a lei dawn a ni,” a ti.

Agriculture Minister chuan, “Sorkar kal tawhte khan kuthnathawktute hi market chungchangah an lo vil zui na tawk lo deuh a, ZPM chuan thlai thar thlan bik pali neiin chungho chu a buaipui hna sorkarin a thawk tawh a, a la thawk zel dawn bawk a ni. Heng thlai thlan bik mai ni lo hian Buhhum pawh sorkarin tam tak a lei tawh a. Sawhthing bikah hian Siliguri pel lovin Mizoten kan lo hralh nasa hle mai a, Bagha vai kan pek te pawh hian Siliguri thleng an phur a, chuta tang chuan buyer lian ten an lo la chhawng ve leh thin. Kumin atang chuan phai buyer lian ten Mizoram Sawhthing an hre chho tan ve ta hi a lawmawm hle. Kan ramah hian eng thlai hi nge kuthathawktute tan hmasawnna ngelnghet awm thei ang tih ka ngaihtuah thin. Tung hi phai lamah a rah tha thei lo a, Mizoram leilung hi a ngeih em em a, Tung han sawi mawi leh pawh a zahthlak deuh lek lek tawh chungin; India hian Tung hriak a mamawhna hi a lo sang em em mai a, ka bial chhungah hma kan la chho leh mek a ni. Lo an neihna chul hmang tangkaiin Hmuntha khuaah Tung an phun khat vek tawh a, Tualpui khuaah pawh tin 300 hmun bawr velah Tung an ching tan mek bawk. Kan thlai thar te hi a tam tham loh chuan a market-ah harsatna kan tawk thin a, thlai emaw, thei lam emaw pawh ni se bawh bik kan neih a ngai. Tunah Sapthei-ah pawh hma kan la chho mek a, kan Sapthei variety hi phai lam aiin hmun Zo lamah a tha duh a, grade A leh B te thawnchhuah atan kan hralh ang a, grade C te chu thei tui siamnan kan process dawn a ni,’’ a ti a.

Ruata chuan, “Tunlaia sawi hlawh em em Mizoram Universal Healthcare Scheme (MUHCS) pawh a rei tulh tulh ang a, mipuiten kan la chhawr dawn chauh a ni. Mizoram University pawh a din tirhin mi in hnuai luah ten hun an hmang a, vawiinah chuan India rama University tha thlan chhuahah a hming a lang ve tawh a ni. Kan sorkar pawh mipuite tana tha ber tur a nih chuan huai takin a kal zel dawn a, Healthcare Scheme pawh eptuten sawiselna tur zawng nasa hle mah se a chhawr mektu leh la chhawr tangkai zel tur mipuite kan thlir a, mipuite lamah sorkar a tan avangin hnung tawlh lovin kan kal zel dawn a ni. He sorkarah hian mimal hamthatna tur leh hlawkna um ringawt te tan hmun a awm lo a, kan Minister te leh MLA te zingah mahni tanghma hai ka hmu lo a, party mite pawhin Zoram damna tur hi thlir turin ka duh che u a ni,’’ a ti bawk.

Vawiin ZPM party chhung inkhawm hi ZPM General Secretary R Lalthanzama'n a kaihruai a; Adviser R Lalthanmawia'n hunserh a hmang. Chhung inkhawm hi ZPM President Lalliansawta leh Minister pahnih - Prof. Lalnilawma leh Lalnghinglova Hmar bakah  AMC corporator ten an uap bawk a ni.





ZPM GENERAL HEADQUARTERS
Mizoram: Aizawl
PRESS RELEASE

RATE CHHIAT BER KUMAH PAWH SAWHTHING MANAH CHENG VAIBELCHHE 85 CHUANG ZET SORKARIN A SENG 
- PC Vanlalruata, Minister, Agriculture & Farmers Welfare, etc.


Dated Aizawl 23rd, June, 2025:  Vawiin khan ZPM party chuan chhung inkhawm Party Office-ah kan hmang a, Agriculture & Farmers Welfare Minister Pu PC Vanlalruata chuan thu sawiin; thlai thar market buaipui tak tak tur chuan thlai bawh bik kan neih a ngaih thu a sawi a, nakkum atangin hmunphiah ro chu grade sawi lovin sorkarin a lei dawn thu a sawi bawk.

Pu PC Vanlalruata chuan, “Hun rei tak politics lo khel tawhte leh ram siam that duh avanga ZPM zawmtu ten sorkarna kan siam ho a, tunah hian kan zavaia thawhrah kuthnathawktu ten an tel mek a, mi hlui thawhrah bik a ni lova, mi thar tih theih a ni bik chuang lo. Kan tanhona hian kuthnathawktute a ti lawm mek a ni. Pathianin ramtiam lam pan turin Abraham-a a ko a, a chhungte leh lainate kalsanin thuawih takin a khua a chhuahsan a ni. Vawiin hian keini pawhin keimahni mimal hamthatna atana politics kan khelh chuan lungawi lohnain min umzui nghal dawn a, ramtiam lam thlira Zoram tana ke kan pen a nih chuan keimahniah lungawina leh hahdamna a thleng dawn,” a ti.

Agriculture Minister chuan, “ZPM sorkar hi a lo din tirh atanga vawiin thlengin Zoram mipuite tan a ding reng a, ‘Sorkar hnathawkten min dem mai ang’ tih hlau chungin aikal lak kan titawp a. Sum leh pai tam tak sen a ngai dawn tih hre reng chungin thlai thar lei kan buaipui mek bawk a ni. Thlai thar lei chungchangah hian kan Chief Minister a fakawm tak zet a ni. Sum leh pai harsatzia leh Sawhthing rate chhiat ber kum a ni tih hre reng chungin Kuthnathawktute tihbeidawn a duh lo a, a department changtu Minister ka nihna ang pawhin ka lawm tak zet a. Zoram kuthnathawktute lawmthu sawina pawh ngaihthlak a nuam hle a ni,” a ti a.

Pu PC Ruata chuan, “Sorkarin direct-a Sawhthing a lak zat hi Qtl. 94,160 a ni a, support price a pek zat hi Qtl. 1,21,740 a ni tawh. June ni 21, 2025 thlenga Sawhthing lak tawh zat belh khawm chu Qtl. 2,15,900 zet a tling tawh a. Sawhthing rate chhiat ber kumah pawh sorkarin cheng vaibelchhe 85 chuang a seng tawh a ni. Hmunphiah chungchangah Empanelled Firm ten sorkar rate anga lei turin an intiam a, an intiam anga an kal leh tak loh avangin kan bul tanna a fuh hlel deuh hlek a, chuti chung chuan ZOHANDCO kal tlangin kumin March thla chhung khan Sorkarin Kg. 2,49,828 a lei a. Kum a lo thar ang a, hmunphiah ro chu grade sawi lovin sorkarin a lei dawn a ni,” a ti.

Agriculture Minister chuan, “Sorkar kal tawhte khan kuthnathawktute hi market chungchangah an lo vil zui na tawk lo deuh a, ZPM chuan thlai thar thlan bik pali neiin chungho chu a buaipui hna sorkarin a thawk tawh a, a la thawk zel dawn bawk a ni. Heng thlai thlan bik mai ni lo hian Buhhum pawh sorkarin tam tak a lei tawh a. Sawhthing bikah hian Siliguri pel lovin Mizoten kan lo hralh nasa hle mai a, Bagha vai kan pek te pawh hian Siliguri thleng an phur a, chuta tang chuan buyer lian ten an lo la chhawng ve leh thin. Kumin atang chuan phai buyer lian ten Mizoram Sawhthing an hre chho tan ve ta hi a lawmawm hle. Kan ramah hian eng thlai hi nge kuthathawktute tan hmasawnna ngelnghet awm thei ang tih ka ngaihtuah thin. Tung hi phai lamah a rah tha thei lo a, Mizoram leilung hi a ngeih em em a, Tung han sawi mawi leh pawh a zahthlak deuh lek lek tawh chungin; India hian Tung hriak a mamawhna hi a lo sang em em mai a, ka bial chhungah hma kan la chho leh mek a ni. Lo an neihna chul hmang tangkaiin Hmuntha khuaah Tung an phun khat vek tawh a, Tualpui khuaah pawh tin 300 hmun bawr velah Tung an ching tan mek bawk. Kan thlai thar te hi a tam tham loh chuan a market-ah harsatna kan tawk thin a, thlai emaw, thei lam emaw pawh ni se bawh bik kan neih a ngai. Tunah Sapthei-ah pawh hma kan la chho mek a, kan Sapthei variety hi phai lam aiin hmun Zo lamah a tha duh a, grade A leh B te thawnchhuah atan kan hralh ang a, grade C te chu thei tui siamnan kan process dawn a ni,’’ a ti a.

Pu Ruata chuan, “Tunlaia sawi hlawh em em Mizoram Universal Healthcare Scheme (MUHCS) pawh a rei tulh tulh ang a, mipuiten kan la chhawr dawn chauh a ni. Mizoram University pawh a din tirhin mi in hnuai luah ten hun an hmang a, vawiinah chuan India rama University tha thlan chhuahah a hming a lang ve tawh a ni. Kan sorkar pawh mipuite tana tha ber tur a nih chuan huai takin a kal zel dawn a, Healthcare Scheme pawh eptuten sawiselna tur zawng nasa hle mah se a chhawr mektu leh la chhawr tangkai zel tur mipuite kan thlir a, mipuite lamah sorkar a tan avangin hnung tawlh lovin kan kal zel dawn a ni. He sorkarah hian mimal hamthatna tur leh hlawkna um ringawt te tan hmun a awm lo a, kan Minister te leh MLA te zingah mahni tanghma hai ka hmu lo a, party mite pawhin Zoram damna tur hi thlir turin ka duh che u a ni,’’ a ti bawk.

Vawiin ZPM party chhung inkhawm hi Pu R.Lalthanzama General Secretary chuan a kaihruai a; Pu  R.Lalthanmawia, Adviser chuan hunserh a hmang. Chhung inkhawm hi President Pu Lalliansawta leh Minister pahnih - Prof. Lalnilawma leh Pu Lalnghinglova Hmar te, AMC corporator ten an uap bawk a ni.

Sd/-
(EDDIE LALHMANGAIHZUALA)
Secretary
Media & Publicity Department
ZPM General Headquarter, Aizawl

PR No. ZPM-02/02A/2025/50
Dated 23rd June, 2025







• • • • • • 

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[For Ads - Contact +919402125273 ]


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post