"India rama Peace Accord ziah tawhah Mizoram Accord hi a hlawhtling ber," - Dr Thangtea

byAdmin — 0
MNF hi ram leh hnam hmangaih tute luankhawmna party a ni
- MNF Sr. Vice President

 
Aizawl | June 23, 2025: Vawiin ni 23.06.2025 (Thawhtanni) chawhma dar 11 hian Mizo Hnam Run chhung inkhawm neih a ni a. Political session huna thusawitu MNF Sr. Vice President Dr R Lalthangliana chuan, "Mizo hnam hi MNF dinchhan a ni a. Hnam lungphum nghet tak chunga ding, ram leh hnam hmangaihtute luankhawmna chu MNF hi a ni. Zofate inpui zalenna meichher chhitu kan ni a. He meichher hi a mit tur a nilova, thangthar lo chhuak zel turten kan chhawmnun zel a pawimawh em em a. Mizo hnam hmangaih tak takte tan MNF ah hmun a awm reng a ni, "a ti. 

Dr. Thangtea, Ex. Minister chuan, India ramah Peace Accord ziah a lo ni nual tawh a. Heng zinga hlawhtling ber chu "Mizoram Accord June ni 30, 1986" hi a ni. MNF underground hruaitu, Pu Laldenga leh Pu Zoramthanga leh hruaitu hmasate ngaihtuahna fel vang a ni a, Mizo mipui inpekna leh tanrualna avanga te, ram leh hnam tana martar te vanga hlawhtling a ni a. MNF founder President a thih lai khan India Prime Minister VP Singh leh Indira Gandhi te chuan, Laldenga hi India in a la mamawh a nimai lova, khawvelin a la mamawh a ni. Remna thuthlung tihlawhtlingtu a ni a, India ram a awm chhung chuan Laldenga hi kan theihnghilh lovang, an ti hial a ni. He accord hlawhtling tak avang hian Pu Zoramthanga CM laiin Peace bonus sum thahnem tham tak kan dawng hial a. MNF leh India sorkar inremna a ni mai lova, khatih laia Mizoram sorkar aiawhte inremna a ni.

He inremna, Memorundam of Settlement hian Zofate tan rahchhuah tha tamtak a nei a :-
  • Bill No 89 of 1986 ah, Constitutional Amendment 53, Article 371(G) dahbelhin, Mizoram chu Statehood-a puan kan ni. 
  • Guwahati High court, Aizawl Bench 5th July, 1990 ah hawn a ni. 
  • Central University (MZU) July ni 2, 2001 ah hawn a ni. 
  • Kum 2004-ah India/Mizoram leh Myanmar border trade Zokhawtharah hawn a ni. 
  • State danga awm ve lo, kan sakhaw humhim tlat theihna telh a ni. 

Article 371 (G) chhungah Mizo sakhua leh khawtlang nun thilah, Mizo hnam dan leh hman danah, criminal leh civil thubuai rem, ram neitu leh inhlawnchhawn chungchangahte, Mizoram state sorkar office tawng emaw mi zawng zawng hmantur thlan theihnate, hnam tlemzawk venthat leh humhalh sak zel chungchangah te Mizoram Legislative Assembly remtihna tello chuan India Parliament dan siam reng reng chu Mizoram-ah hman theih a ni lovang tih a chuang a. Inner Line Regulation kan hman lai mek hi state sorkar råwn lo chuan siamthat/paih theih a nilo bawk. 


MNF Sr. Vice President chuan, zalenna sual anih hnuah hnamdang ngaihsanna thuk taka lo awm tawh chu thlak danglam dawrh a ni a. Mizote khawvel hriata hnam zahawma min phochhuaktu, ram leh hnam anga kan dinchhuahna atana bultantu, Mizo Nationalism meichher min chhitsaktu kan hruaitute leh nunna hial hlantute zahna chibai kan buk thar leh a. Inremna thuthlungin a tha zawnga nghawng chhuah a neih zel hi MNF in a ngaih pawimawh te zinga mi a ni, Peace Accord angin non tribal ten Mizoram ah ram an nei thei lova, mahse ram nei an tam tih sawi a awm fo hi enfiah a tul hle. Ram leh hnam tan theihtawp chhuah turin i bei zel ang u, a ti bawk. 


Mizo Hnam Run chhung inkhawm hi MNF Gen. Secy T Liansiama, MNF Gen. Hqrs. in a kaihruai a. Chandmari W' MNF unit Senior Front Vice President Lalsanglura'n hunserh a hmang.










Mizo National Front
General Headquarters
Mizoram : Aizawl

Press Release

MNF hi ram leh hnam hmangaih tute luankhawmna party a ni

India rama Peace Accord ziah tawhah Mizoram Accord hi a hlawhtling ber
-Dr. R. Lalthangliana, MNF Sr. Vice President 
 
Vawiin ni 23.06.2025 (Thawhtanni) chawhma dar 11 hian Mizo Hnam Run chhung inkhawm neih a ni a. Political session huna thusawitu Dr. R. Lalthangliana, MNF Sr. Vice  President chuan, "Mizo hnam hi MNF dinchhan a ni a. Hnam lungphum nghet tak chunga ding, ram leh hnam hmangaihtute luankhawmna chu MNF hi a ni. Zofate inpui zalenna meichher chhitu kan ni a. He meichher hi a mit tur a nilova, thangthar lo chhuak zel turten kan chhawmnun zel a pawimawh em em a. Mizo hnam hmangaih tak takte tan MNF ah hmun a awm reng a ni, "a ti. 

Dr. Thangtea, Ex. Minister chuan, India ramah Peace Accord ziah a lo ni nual tawh a. Heng zinga hlawhtling ber chu "Mizoram Accord June ni 30, 1986" hi a ni. MNF underground hruaitu, Pu Laldenga leh Pu Zoramthanga leh hruaitu hmasate ngaihtuahna fel vang a ni a, Mizo mipui inpekna leh tanrualna avanga te, ram leh hnam tana martar te vanga hlawhtling a ni a. MNF founder President a thih lai khan India Prime Minister VP Singh leh Indira Gandhi te chuan, Laldenga hi India in a la mamawh a nimai lova, khawvelin a la mamawh a ni. Remna thuthlung tihlawhtlingtu a ni a, India ram a awm chhung chuan Laldenga hi kan theihnghilh lovang, an ti hial a ni. He accord hlawhtling tak avang hian Pu Zoramthanga CM laiin Peace bonus sum thahnem tham tak kan dawng hial a. MNF leh India sorkar inremna a ni mai lova, khatih laia Mizoram sorkar aiawhte inremna a ni.

He inremna, Memorundam of Settlement hian Zofate tan rahchhuah tha tamtak a nei a :-
Bill No 89 of 1986 ah, Constitutional Amendment 53, Article 371(G) dahbelhin, Mizoram chu Statehood-a puan kan ni a. 
Guwahati High court, Aizawl Bench 5th July, 1990 ah hawn a ni a. 
Central University (MZU) July ni 2, 2001 ah hawn a ni. 
Kum 2004 ah India/Mozoram leh Myanmar border trade Zokhawthar ah hawn a ni. 
State danga awm velo, kan sakhaw humhim tlat theihna telh a ni. 

Article 371 (G) chhungah Mizo sakhua leh khawtlang nun thilah, Mizo hnam dan leh hman danah, criminal leh civil thubuai rem, ram neitu leh inhlawnchhawn chungchangahte, Mizoram state sorkar office tawng emaw mi zawng zawng hmantur thlan theihnate, hnam tlemzawk venthat leh humhalh sak zel chungchangah te Mizoram Legislative Assembly remtihna tello chuan India Parliament dan siam reng reng chu Mizoram-ah hman theih a ni lovang tih a chuang a. Inner Line Regulation kan hman lai mek hi state sorkar råwn lo chuan siamthat/paih theih a nilo bawk. 

MNF Sr. Vice President chuan, zalenna sual anih hnuah hnamdang ngaihsanna thuk taka lo awm tawh chu thlak danglam dawrh a ni a. Mizote khawvel hriata hnam zahawma min phochhuaktu, ram leh hnam anga kan dinchhuahna atana bultantu, Mizo Nationalism meichher min chhitsaktu kan hruaitute leh nunna hial hlantute zahna chibai kan buk thar leh a. Inremna thuthlungin a tha zawnga nghawng chhuah a neih zel hi MNF in a ngaih pawimawh te zinga mi a ni, Peace Accord angin non tribal ten Mizoram ah ram an nei thei lova, mahse ram nei an tam tih sawi a awm fo hi enfiah a tul hle. Ram leh hnam tan theihtawp chhuah turin i bei zel ang u, a ti bawk. 


Mizo Hnam Run chhung inkhawm hi Pu T. Liansiama, Gen. Secy. MNF Gen. Hqrs. in a kaihruai a. Pu Lalsanglura, Vice President, Sr. Front Chandmari W' MNF unit chuan hunserh a hmang.  


Sd/-

(PETER CHHANGTE)
Secretary
Media & Publicity Department
Mizo National Front
Memo No. 285/2025
Dt. 23.06.2025








• • • • • • 

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[For Ads - Contact +919402125273 ]


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post