MZP nawrna avangin NHM hnuaia advertisement tel lova hna lak sut!

Aizawl | June 10, 2025: MZP nawrna avangin NHM hnuaia advertisement tel lova hna lak sut!

He thu hi MZP chuan vawiin khan thuchhuah siamin an tarlang.

Mizo Zirlai Pawl General Headquarters chuan National Health Mission (NHM) hnuaia hna hrang hrang pasarih lakah, Advertisement chhuah a nih loh bakah, DP&AR(ARW) OM- Guidelines for engagement of co-terminus (contract or provisional or otherwise) employees under Centrally Sponsored Scheme/Central Sector Scheme/Externally Aided Projects, etc, 2021 tlawhchhan miah loa lak a nih avangin, MZP chuan cancel turin sawrkar a ngen a. MZP ngenna angin nimin ni 9 June, 2025 khan heng hna lakte hi sut a ni.

MZP ngenna ngai pawimawh a Health & Family Welfare Dept. in an hna lak tawh an sut leh hi MZP chuan lawmawm a ti hle a. Health Minister Pi Lalrinpuii pawhin, Press Conference meuh neia MZP duhdan anga sut a nih tur thu a sawi hi a puitlin thlak hlein MZP-in a hria a. Lawmthu a hrilh a ni.

MZP chuan Mizoram sawrkar hnuaia hnalak hi dik takin kalpui ni thin se a duh a. Advertisement tello a duh duh inthun theihna remchang hi tun hnuah khawi Dept. ah mah thleng nawn tawh lo se MZP chuan a duh a. Thalai hna zawng mek te ti hnual thei zawnga diklo taka hnalak a awm tawh loh nan MZP chuan hma a la chhunzawm zel dawn a ni.

National Health Mission (NHM) hnuaia post 7; Lab. Technician- 3, Staff Nurse- 2, Asst. Data Manager-1 leh Executive Asst.- 1 te hi Advertisement tello a lak nia MZP in a hriat avangin, ni 3 June, 2025 (Thawhlehni) khan Emergency meeting a ko a. He hna lak hi ni 10 June, 2025 ral hma ngeia cancel turin sawrkar a lo a ngen tawh a ni.

ADVERTISEMENT TELLO A NHM HNUAIA HNALAK CANCEL A NI

MZP PRESS RELEASE

10 June, 2025:: Mizo Zirlai Pawl General Headquarters chuan National Health Mission (NHM) hnuaia hna hrang hrang pasarih lakah, Advertisement chhuah a nih loh bakah, DP&AR(ARW) OM- Guidelines for engagement of co-terminus (contract or provisional or otherwise) employees under Centrally Sponsored Scheme/Central Sector Scheme/Externally Aided Projects, etc, 2021 tlawhchhan miah loa lak a nih avangin, MZP chuan cancel turin sawrkar a ngen a. MZP ngenna angin nimin ni 9 June, 2025 khan heng hna lakte hi sut a ni.

Sd/-

(C. LALHMINGSANGA)

Asst. General Secretary

MZP General Headquarters

Aizawl.