"MSCPCR-in kum tlinglo chunga pawngsual leh hursualna thleng leh thin pawi ti, hetianga inhnamhawi te'n an phû tawk hremna hmu ngei se an duh,"

"MSCPCR-in kum tlinglo chunga pawngsual leh hursualna thleng leh thin pawi ti, hetianga inhnamhawi te'n an phû tawk hremna hmu ngei se an duh,"

Aizawl | June 24, 2025: Mizoram State Commission for Protection of Child Rights Chairperson Jimmy Laltlanmawia’n tunhnaia naupang khawih chhetu Lalrampana leh midang hetianga inhnamhnawih ten an phu tawk hremna hmu ngei se an duh tih a sawi.

MSCPCR Chairperson chuan vawiin khan an office-ah thuthar thehdarhtute kawmin he thu hi a sawi a, tunhnaia naupang kumtlinglo khawihchhiaa, mi dang hmuh theih tura hursualna video bawlhhlawh siam nana naupang inhnamhnawihtir tu leh pholangtu Lalrampana chu CBI ten tun thla ni 9 khan an rawn man thu leh he thil thleng hi Commission chuan pawi an tih takzet thu a sawi a.

POCSO Act chuan naupang laka hursualna leh zahmawh rawngkai lanna video leh thlalak reng reng, mimal kawlthat tur a ni emaw, midang hmuha pho lan tur a ni emaw a khap tlat tih sawiin Dan bawhchhetu chu kum-5 aia tlem lo Lung-In tan tir leh sum chawitir thlengin a huam thu leh, a tisual nawn tu chu kum-7 thleng tang tura hrem theih a nih thu a sawi bawk a ni.

MSCPCR Chairperson chuan, "Tunhnaia naupang kumtlinglo khawichhiaa, midang hmuh theih tura hursualna video bawlhhlawh siam na'na naupang inhnamhnawihtir tu leh pho lang tu Lalrampana chu CBI ten June ni 9, 2025 khan an rawn man a. Kan ram chhunga hursualna leh a kaihhnawih naupang chunga a thieng leh thin hi Commission chuan pawi a tiin a ngaimawh takzet a ni," a ti a.

"The Protection of Children from Sexual Offences (POCSO) Act, 2012 Section 13, 14 & 15 chuan hursualna leh zahmawh rawngkai video leh thlalaka naupang inhnamhnawih tir leh tel tir emaw, hman tangkai emaw, entir leh hmuhtir emaw pawh a thiang lovin a khap tlat," thu a sawi a.

Chumi piah lamah, naupang laka hursualna leh zahmah rawngkai lanna thalak leh video reng reng, mimal kawlthat tur a ni emaw, midang hmuha pho lan tur a ni emaw pawh lo neih leh lo kawl pawh a khap tlat a ni. He Dan bawhchhetu chu kum-5 aia tem lo Lung-In tan tir leh sum chawitir thlengin a huam a, a tisual nawn tu chu kum-7 thing tang tura hrem theih a ni bawk.

Tin, Information Technology (IT) Act, 2000 Section 67 B chuan - (a) mi tupawh naupang hursualna leh a kaihhnawiha an lanna emaw, naupang inhnamhnawihna emaw, naupang zahmah leh saruaka an lanna emaw reng reng electronic media hmanga thehdarh leh thehdarhtir tu leh (b) naupang saruaka a awmlai thlalak/video, mipat hmeichhiatna leh hursualna kaihhnawiha an lanna thlalak/video te siam chhuah emaw, lak khawm emaw, internet-a zawn (browse) emaw, download emaw, fak mawi emaw, in thawn darh leh sem kual emaw (c) online hmanga hursualna lam hawi leh zahmah rawngkaia naupang them, vau te leh (d) naupang, mipat hmeichhiatna an hmanglai leh an inhritla lai ema, naupang

pawngsual anih lai leh naupang chunga hursualna theng lai lanna thlalak/video lo siam (record) tu chu kum-5 aia tem lo Lung-In tan tir leh * 10,00,000 (Cheng nuai sawm) chawitir thlengin a huam a, a tisual nawn tu chu kum-7 thieng tâng tura hrem leh 7 10,00,000 (Cheng nuai sawm) chawitir theih a ni bawk.

Commission chuan heng Dan bawchhiatna hi kan ram chungah theng tawh lo se a ti a. Tun hnaia naupang khawih chhetu Lalrampana leh midang hetianga inhnamhawi te hian an phû tawk hremna hmu ngei se a duh a ni, tiin a sawi.