MIZORAM PRE-SCHOOL to CLASS-12 'REPAIR & CWSN' HNA PARTY UNIT KUTAH AN PE!

(School Management Committee hriattir an ni lo)

~ Zoa Tlau, (19.6.25 chawhnu dar 1:30)

Buannel Cabin

Mizoram hmun ṭhenkhata Samagra Shiksha (SS) hnuaia Nursery aṭanga Class-12 thlenga School 'major repair', Classroom siam belh leh Children With Special Needs (CWSN) toilet siam hna hi; ZPM Party Unit aṭangin thawktu tur an inpe fel niin thudawnna chuan Buannel Cabin a hrilh.

Thudawn dan chuan BRC Coordinator, Aizawl South hnuai bikah hian School ṭhenkhat siamṭhatna hna hi School Management Committee hriattir lohin ZPM Party Unit hnenah hna an pe fel hlawm. 

"Heng pawisa hi school account-ah emaw, school-in vendor tura a ruatah a lo lut a, mahse party unit aṭangin a thawk tur an rawn awm. Hriattirna erawh school thuneitu School Management Committee ten kan dawng lo," an ti. School Management Committee-ah hian Chairman leh Treasurer hi nu leh pa aṭanga thlan/ruat an ni a, Principal/Head zela hi Secretary an ni tih thudawnna chuan a sawi.

School te hian Unified District Information System for Education (UDISE)-ah school thil pawimawh an report ṭhin a, school data khawn leh dankhawm aṭangin Smagra Shiksha hnuaiah project siam a ni ṭhin. School-in Grant an dawn ang ang te hi School Management Committee hnuaiah ṭha taka thawkin, pawisa pawh thawh belh châng an nei niin thudawn a ni bawk.

"Grant hi School hi chuan hman bang hi school tan vek hman a ni a, heng tlem tham hi chu school kutah lut se zirlai leh school tan pawh a chhenfakawm ber," tiin Party Unit kuta hna pek a ni ta chu SMC ten pawi an tih thu an sawi.

Samagra Shiksha, Mizoram hi Project Director hnuaia enkawl a ni a. State Project Office hnuaiah state pum zirna enkawl a ni. SS hi a hmaa SSA, RMSA leh Teacher Education (TE) te khaikhawmna a ni deuh ta ber a, Nursery aṭanga pawl 12 thleng a huam a ni.

• • • • • • 

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ