Lok Sabha MP-in Mizoramah FCI Regional office din vat theih nan FCI chairman sawipui

Aizawl | June 28, 2025: June ni 27, 2025 khan Member of Parliament Pu Richard Vanlalhmangaiha'n Food Corporation of India (FCI) Chairman Ashutosh Agnihotri chu a office-ah lengin a kawm a, FCI Godown chungchang te leh Buhfai rang zawka a rawn kal theih dan turte an sawi dun.

Mizoram Lok Sabha MP chuan OMSS (D) approval muang lutuk te, approve a nih hnu pawh a Releasing Order (RO) chhuak har lutuk thin leh, RO muan lutuk avanga buhfai supply a tkhaihlak phah thin thu te FCI Chairman hi hrilhin, Mizoram chhunga labour tlem avanga local transportation a muan thu te bakah hian Sairangah Relin buhfai a lo phurh luh vat theih nan FCI Godown chu a rang lamin peih vat nise tiin a ngen a. Mizoramah FCI Regional Ofiice din hma theih nise tiin a ngen bawk a ni.

FCI Chairman chuan North East lam enkawltu te ko nghalin an harsatna te pawh a rang lama lo enpui a, chinfel a nih vat theihna turin hma alo lak tur thu alo hrilh a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]