Aizawl | June 7, 2025: Youth Icon 2024 Top 10-in zanina LPS Studio atanga Charity Concert an neih tur chu an zaithiampui leh milar dang ten an thlawp a, Social Media kaltlangin an thiante Concert tur lo thlir a, vehbur an khawnah tanpuina thil pek pe turin mipui an sawm.
Mizo footballer lar Lallianzuala Chhangte (Lza Chhangte) chuan Instagram-ah Icon top 10 ten Charirty Concert an neih tur a thlawp zia chu tarlangin, IG Story-ah 'Tam lua awm lo, tlem lua awm lo, Midangte tan malsawmna lo ni ve ngei ang che' tiin a tarlang.
Icon star te thian hnai tak Zothana pawhin IG Story-ah Vido Clip ti chhuakin, a thian, a u te'n LPS Studio atanga Charity Concert an neih tur chu lo thlir sak a, chhiatna tuarte tanpuina lo pe ve theuh turin mipui a sawmna thu a sawi chhuak.
Zaithiam dang Israela Pachuau, Jonathan Lianhna leh milar dangte pawhin an IG Story-ah Youth Icon star ten Charirty Concert an neih tur hi an thlawp zia an lan tir bawk a ni.
Concert hi LPS Studio atangin zan dar 08:00-ah tan a ni ang a, LPS 1-ah leh LPS YouTube Channel-ah live-in pek chhuah a ni ang.
Hun hman chhung hian tanpui ngaite pui duh tan mipuite luan chhuahna hun siam a ni dawn a, sum pek/thunna tur QR code leh phone number te tarchhuah a ni dawn a ni.
Youth Icon 2024 Top 10-te chuan Mizoramah leilung chhiatna tak a thlen avanga nunna chan, in leh lo chan, in rauhsan ngai an awm te chu pawi an tiin, an lainat hle a, harsatna tawk mekte tana an tih theih ve tawk Concert neia vehbur khawnna hun an hman tur hi chhim vek tur leh an phal ang tawka tanpui ngaite tana luang chhuak turin mipui an sawm.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: