Govt Zohmun HS, Zirlai 63 awmnaa Zirtirtu neih loh vanga sikul kai tur dan tum ṭhulh rih!

Aizawl | June 6, 2025: Govt Zohmun HS, Zirlai 63 awmnaa Zirtirtu neih loh vanga sikul kai tur dan tum ṭhulh rih!

Zohmun NGO Co-ordination Committee chuan thuchuah siamin, Govt. Zohmun High School-a Science leh Mathematics Zirtirtu neih loh avanga June 9, Thawhṭannia zirtirtute leh zirlai naupangte School kal tur dan an tum chu Sawrkar aṭanga kar khat chhung ngaichang tura ngen an nih vangin an ṭhulh hrih.

Sawrkarin a intiam angin Zohmun NGO Co ordination Comt chuan kar khat chhung a ngaichang dawn a. June ni 13, Zirtawpni ral hma ngeia Science leh Mathematics zirtirtu hi Govt. Zohmun HS -ah a dah (post) a nih loh chuan June 14, Inrinni hian Zirtirtu neih loh avanga lungawilohna kawng zawh an tum a ni.

Zohmun NGO Co-ordination Committee thu..

(Govt. Zohmun HS -ah hian zirlai 63 an awm mek)

1. Zohmun NGO Co-ordination Committee-in Govt. Zohmun High School-a Science leh Mathematics Zirtirtu neih loh avanga June ni 9. Thawhṭannia zirtirtute leh zirlai naupangte School kal tur dan a tum chu Sawrkar aṭanga kar khat chhung ngaichang tura a ngen angin ṭhulh hrih a ni.

2. Sawrkarin a intiam angin Zohmun NGO Co ordination Comt chuan kar khat chhung a ngaichang dawn a. June ni 13, Zirtawpni ral hma ngeia Science leh Mathematics zirtirtu hi Govt. Zohmun HS -ah a dah (post) a nih loh chuan June ni 14. Inrinni hian Zirtirtu neih loh avanga lungawilohna kawng zawh a ni ang.

3. Hemi hnuah pawh thu lawmawm kan dawnglo zel a nih chuan June ni 16. Thawhṭanni aṭang hian School kal tur dan, Boycott a ni anga, tiamchin awmlova hmalak chhunzawm a ni ang. Maths leh Science Subject pahniha zirtirtu an neih loh avang hian heng Subject te hi School ṭan ni aṭangin an la zir miah lova, zirlai naupangte hian Mark khawl/ internal mark an nei lo a ni. Chuvangin, heng Subject- ahte hian an Fail sa tihna a ni. Hetiang hi kan dinhmun a nih avangin a ṭul angin First Term Exam Boycott thlenga hmalak tum a ni bawk.

             Sd/-

(ZOSANGZUALA)

        Secretary

                Sd/

(C. ZORAMTHANGA)

            Chairman

Zohmun NGO Co-ordination Committee 2025

.