Hnahthial District-ah Hmeichhe naupang puala thingphun runpui bul tan

Hnahthial | June 20, 2025: District Hub For Empowerment of Women, Women and Child Department Hnahthial te chuan Hmeichhe naupang pual thingphun runpui an neih tur chu nimin khan ICDS Office tualah hun hman a ni a, he hun hi Environment Forest and Climate Change Department Hnahthial Range, Range Officer Lalsangzuala leh Child Development Programme Officer Lalnuntluangi leh an thawhpui ten ICDS office tualah thingphun tiak phunin an hawng a ni.

Child Development Programme Officer Lalnuntluangi chuan tun thla chhung in ICDS Hnahthial Project chhung a khaw hrang hrangah thingphun runpui neih tum thu a sawi a. Hei hi khaw hrang hranga ICDS-a thawktute chuan tha taka zawm theuh turin a chah nghal bawk a ni.

Environment Forest and Climate Change Department Hnahthial Range, Range Officer Lalsangzuala chuan kumin hian thing chi hrang hrang tiak sang thum (3000) chuang an sem chhuak tawh tih an sawi a, tunah thing tiak phun hun a la kal reng avangin hei aia tam hi kuminah an sem chhuah a rin thu a sawi. Kumin thing tiak an sem chhuah tam chhan pakhat chu Village Council te nen thing phun lamah convergence neiin hma an la, EF&CC Dept lamin thing tiak an tum a, VC lam hian a phun an tum ve thung a ni a ti a. Hei bakah School lamah Nu te puala thing pakhat tal phun ‘Ek Pad Maa Ki Naam’ an kalpui vang a nih thu a sawi bawk.

Written by -

F. Lalrinfela, MIS

DIPRO, Hnahthial

DIPR