Hnahthial DIPRO leh MJA member ten 'Media Workshop' neiho

Hnahthial | June 24, 2025: Information & Public Relations (I&PR) leh Mizoram Journalist Association (MJA) tangkawpin a an buatsaih, Media leh Mizo tawng chungchang zir hona hun - 'Media Workshop' chu Hnahthial DIPRO pisa-ah neih a ni a. He Workshop hi Hnahthial MJA President F Zosangliana chuan kaihruaiin DIPRO F Lalrinfela chuan zir hona hi a kaihruai a ni.

He Workshop-ah hian, 'Traditional Media leh New Media' bakah 'Mizo Tawng Ziah Dan Dik' tih thupui hmangin zir hona leh sawi hona hun hman a ni a. Zir hona kaihruaitu F Lalrinfela chuan MJA member kalkhawmte chu print media mai bakah tunlai thiamna hmang tangkai thiam turin a chah a. Kan tawng humhalh nan tan la zel tura fuihin chumi tur chuan MJA member te chu an pawimawh lehzual thu sawiin mahin inchhungkhur ngeiah pawh Mizo tawng ngei hmang chunga tawng dang thiam tam a tul thu a sawi a ni. MJA te nen thawhonna tha tak an neih zel theih a beisei thu a sawi bawk.

Zir honaah hian Traditional Media kan tih mai, chanchinbu hmanga thuthar thehdarhna kawnga harsatna awm te, New Media hman tangkai lehzual dan tur te zir hona neih a ni.

Hnahthial MJA Secretary VL Liansanga chuan lawmthu sawiin workshop hi a khar a ni.

I&PR leh MJA buatsaih, Media Workshop hi nimin (23.06.2025) khan IPR&PS Minister, Dr Vanlalthlana chuan I&PR Auditorium, Aizawlah a hawng a ni.