Aizawl | June 4, 2025: Vawiin khan Chief Minister Pu Lalduhoma chuan a office-ah Mizoram Principal Accountant General (PAG) L Hangsing, IA&AS, chu a kawm a. Mizoram sawrkar leh Comptroller & Auditor General of India thawhhona tha zawk neih dan tur a sawipui.
Chief Minister hian, Mizoramah hun nuam tak hmang turin duhsakna a hlan a. Public Account Committee ah tum thum lai ka lo awm tawh avangin sawrkar sum audit leh enfel kawngah Accountant General nena thawhhona tha neih a tangkaizia hi ka hrechiang thawkhat a. Inpawh taka kan kal a ngai a ni, tiin PAG thar hi a lo hrilh a.
L Hangsing pawhin Mizoram sawrkar nena thawhhon dan tur a rawtna lehkhain a thehlutin, a tulna apianga state sawrkar thawhpui turin kan inpeih a, hman tangkai theih kan ni, a ti. Coordination Committee din a, inhretawn zela engkim kalpui ni se, tiin hmalakho dan tur an sawi a ni.
Chief Minister hi Commissioner & Secretary to Chief Minister Vanlaldina Fanai-in a tawiawm a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: