Aizawl | June 22, 2025: Bible Society of India Chief Translator leh Executive member ni mek, Rev. Dr H Vanlalauva chuan zanin (June 22, 2025) khan Ebenezer damdawi in, Aizawl-ah chatuan ram a pan.
Zanin dar 8:48 khan a boral a, Pumpui Cancer niin nimin khan zai a ni a, septiceamia a lo nei hlauh bawk nen, a tuar chhuak zo ta lo a ni, niin thudawnna chuan a tarlang.
Rev. Dr H Vanlalauva hi Durtlang Leitan-ah an awm a, Champhai District-a Leithum khaw chhuak a niin, H Liansailova nau a ni a, Kolasib SP David H Lalthangliana pa a ni bawk.
Rev. Auva hi Mizoram Presbyterian Kohhran leh Senate of Serampore College (University) hnuaia Pathian thu zirte chuan an hre chiangin, inhmelhriattir a mamawh lo. Mizoram Synod hnuaiah kum 28 rawngbawlin Aizawl Theological College-ah zirtirtu a ni a, kum 9 chhung (1999 - 2007) Principal a ni bawk.
Kum 2007 - 2008 chhung Mizoram Synod Moderator niin a pension zui a. A pension hnuah pawh Theological College lamah Mizoram Synod tirhin Professor hna leh SATHRI Dean hna kum 2014 thleng a thawk a. Aizawl Theological College-ah Adjunct Professor hna a la thawk a, Leitan South Kohhranah lawiin Leitan South, Durtlangah an awm. Fapa pahnih David H Lalthangliana (MPS) leh Rev. Andrew H Laltlanliana a nei a, fanu mal Rebecca Lalrinmawii (w/o Rev R Lalrinliana) a nei bawk. July ni 6, 2016 khan a nupui duh tak Lallianpuii a sun a; a nupui hriatrengna atan ‘John Calvin-a Theology (Reformed leh Presbyterian Thurin Tobul)’ lehkhabu a tichhuak a ni.
• • • • • •
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: