Aizawl district chhungah pawisa inchawia ui leh ar insual tir khap!

byAdmin — 0
Aizawl | June 25, 2025: Aizawl bawrhsap chuan vawiin khan thuchhuah siamin, Aizawl district chhungah pawisa inchawia ran - a bikin ui leh ar insual tir a khap.


Aizawl bwrhsap Er. Lalhriatpuia, IAS thuchhuah chuan, "Aizawl District huamchhungah mi tumahin pawisa inchawiin ran an insual tir tur a ni lo." a ti a.
"tunlai hian Aizawl hmun kilkhawr leh fianrial ah te pawisa inchawia Ui leh Ar insual tirin, mi 100 atanga 300 bawr vel an pungkhawm thin tih hriat a ni a. Pawisa inchawia ran insualtir hi The Prevention of Cruelty to Animals Act, 1960 Section 11 (l)(m)(ii) chuan a khap tlat a. Hetianga inhnamhnawih leh dan bawhchhetute chu pawisa chawi tir leh thla thum thlengin Lung-In ah tan tir theih an ni," a ti bawk.




UI LEH AR INSUALTIR KHAPNA THUPEK

ORDER

Kan thudawnna in a tarlan angin tunlai hian Aizawl hmun kilkhawr leh fianrial ah te pawisa inchawia Ui leh Ar insual tirin, mi 100 atanga 300 bawr vel an pungkhawm thin tih hriat a ni a. Pawisa inchawia ran insualtir hi The Prevention of Cruelty to Animals Act, 1960 Section 11 (l)(m)(ii) chuan a khap tlat a. Hetianga inhnamhnawih leh dan bawhchhetute chu pawisa chawi tir leh thla thum thlengin Lung-In ah tan tir theih an ni.

Chuvangin kei, Er. Lalhriatpuia, IAS, District Magistrate, Aizawl District hian pawisa thapa ran insualtir a lo rem theih nan Section 163, BNSS 2023 in thuneihna min pek angin a hnuaia khapna thupek hi ka chhuah e.

"Aizawl District huamchhungah mi tumahin pawisa inchawiin ran an insual tir tur a ni lo"

He khapna thupek hi chhuah a nih atangin thla hnih (2 months) chhung a huam ang a. Zawm lo te chu Section 223 BNS 2023 hmangin an chungah hremna lek a ni ang.

He thupek hi vawiin Dt. 13.6.2025 hian District Magistrate Seal-a nemnghetin hming ka ziah hnan e.


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post