(𝘛𝘳𝘶𝘮𝘱-𝘢'𝘯 𝘒𝘩𝘢𝘮𝘦𝘯𝘦𝘪 '𝘳𝘦𝘨𝘪𝘮𝘦' 𝘵𝘩𝘭𝘢̂𝘬 𝘢 𝘵𝘶𝘮 𝘵𝘩𝘶 𝘢 𝘴𝘢𝘸𝘪 𝘵𝘢!)
𝓟𝓱𝓾𝓪𝓱𝓴𝓱𝓪𝔀𝓶𝓽𝓾
~ Zoa Tlau (23.6.2025 zan dar 8:45)
Buannel Cabin
Russia chuan Iran chu a mamawh mil zêlin kawng hrang hranga puih a inpeih reng tih zanin khan a puang a. Kremlin spokesperson Dmitry Peskov chuan, "Engkim mai hi Iran-in a mamawh ang zêla innghat a ni," tiin Russia chu a inhuam hle a. Israel-Iran buainaah hian Peskov chuan awmze nei takin Tehran chu an pui chhunzawm zel ang, a ti.
𝗨𝗦-𝗶𝗻 𝗯𝗲𝗶𝗵𝗻𝗮 𝘁𝗮𝘄𝗵 𝗮𝗻 𝗶𝗻𝗿𝗶𝗻𝗴:
Reuters tarlan danin US chuan Iran-in ni hnih khat lekah an nuclear hmun beihna chu a chhânglet dawnin a hria a, a inralring nghal hlê a. Heti chung hian Iran nena inbiakna hmanga buaina chinfel chu an thupui a la nih reng thu US hian a sawi.
𝗞𝗵𝗮𝗺𝗲𝗻𝗲𝗶 𝘁𝗵𝗹𝗮̂𝗸 𝗮𝗻 𝘁𝘂𝗺!:
Iran parliament chuan USA-in an nuclear hmun a beih man chu a tél ve ngei ang, an ti a. Donald Trump erawhin Iran rorêltu nilai Ayotallah Ali Khamenei thlak chungchang a sawi kai ta bawk. Khamenei erawhin engmah a sawi ve lo thung.
𝗙𝗼𝗿𝗱𝗼 𝗻𝘂𝗰𝗹𝗲𝗮𝗿 𝗵𝗺𝘂𝗻 𝗮 𝗰𝗵𝗵𝗲 𝗻𝗮𝘀𝗮 - 𝗜𝗔𝗘𝗔:
UN 'nuclear watchdog' International Atomic Energy Agency (IAEA) chuan US-in Fordo nuclear hmun lei hnuaia awm a beihna hian Iran nuclear hmun hi a chhu chhe nasa hle tih a puang.
Ram pahnih hi ngawrh takin missile hmangin an in-bomb chhunzawm reng a, Israel foreign minister chuan Tehran hmun laili an bomb tih a sawi a, 'political prisoner' tamna Evin Prison an bomb chhia, a ti. Iran hian Israel hi a bomb nasa viau bawk.
𝗨𝗦-𝗜𝗡 '𝗢𝗽𝗲𝗿𝗮𝘁𝗶𝗼𝗻 𝗠𝗶𝗱𝗻𝗶𝗴𝗵𝘁 𝗛𝗮𝗺𝗺𝗲𝗿' 𝗔 𝗞𝗔𝗟𝗣𝗨𝗜 𝗗𝗔̀𝗡
US-in Iran nuclear hmun 3 bei tur hian aircraft 125 lâi a hmang niin an official ten an sawi. US B-2 stealth bomber te hian bunker-buster 12 chuang Fordo leh Natanz-ah an thlâk a. Isfahan khawpui chu jet leh Tomahawk hmangin Arabian Sea aṭangin submarine aṭangin an chhu chhia a ni. US hian Iran nuclear hmun a beihna hi 'obliterated' a ti kher a, an 'nuai chimit' an ti a ni.
𝗢𝗽𝗲𝗿𝗮𝘁𝗶𝗼𝗻 𝗸𝗮𝗹𝗽𝘂𝗶 𝗱𝗮𝗻 𝗰𝗵𝘂:
1. Inrinni 12:01 a.m. ET
B-2 bomber 7 chuan Whiteman Air Force Base, Missouri an chhuahsan.
2. 5 p.m. ET
B-2 te chuan fighter jet te an fin a.
3. 6 p.m. ET
B-2 te leh fighter jet te chuan Iran an lût.
4. 6:40–7 p.m. ET
Target pathum an bomb nghal.
5. 7:30 p.m. ET
B-2 ten Iran an chhuahsana Chawlhni-ah an base an thleng leh a ni.
(𝙺𝚑𝚊𝚠𝚝𝚑𝚕𝚊𝚗𝚐 𝚖𝚎𝚍𝚒𝚊, 𝙼𝚒𝚍𝚍𝚕𝚎-𝙴𝚊𝚜𝚝 𝚖𝚎𝚍𝚒𝚊 𝙰𝚕 𝙹𝚊𝚣𝚎𝚎𝚛𝚊 𝚕𝚎𝚑 𝚊 𝚍𝚊𝚗𝚐 𝚝𝚎 𝚊𝚝𝚊𝚗𝚐𝚊 𝚕𝚊𝚔 𝚔𝚑𝚊𝚠𝚖 𝚊 𝚗𝚒 𝚎)
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: