Aizawl | May 8, 2025: Mipa lu a mehsak lai video instagram lamah a darh a, lu meh man cheng 80 a ti a, mi lawm a hlawhin ngaihven a hlawh hle.
Sangtei (Lalrosangi) hian kum 2023 February aṭang khan 'Hair & Beauty' dawr hi a kalpui ṭan a. A tir chuan mipa lu a met bik lo.
Mahse, a hnuah mipa lu a met a, miin an hre zel a, amah pawhin mipa lu meh chu a kal na ta zawk a. Tunah phei chuan, "hmeichhe sam khawih chu a hlawma sum lut tam zawk mahse, mipa lu meh hi hun a heh lova, mi pakhatin thla tin deuh thaw lu an met a, a zia zawkin ka hria," a ti.
Lu meh manah hian cheng 80 a la a, a duh tan awlsam tein lu a suksak nghal bawk a. Lu suk man a hrangin a la lem lo.
Hetia a ti hi mipa mahni hnaa kal pah emaw, chhun awlah lu han met mai duhte tan a remchang a. Pantu pawh an tam phah niin a lang.
Pawl 12 a zawh hnuin, hna han zawng ve mahse, thawhrimna leh hlawh a inphu loh ṭhin nia a hriat avangin, a tuina, tuna a kawng zawh hi zawh ṭan turin Kum 2022 khan 'Hair & Beauty' lam hi a zir a, a zir a zawh hnuin kum 2023 kum tir khan Lu mehna hi a ṭan ta a ni.
Unau panga zinga milai, Kum 23na hmang mek nula Sangtei hi Armed Veng South, Aizawlah an awm a. Sahuan hlui kawngah, kawng anah a dawr hi a awm a, lawilen a awlsam a, a lun chho tawh hle.
An in hnuai Dawrah lu mehna dawr hi a hawng mai a, lu a suksak theih nghal bakah, coffee machine a inchhawp a, a duh tan lo nghah pahin thingpui an dawr nghal thei a ni.
Mipa lu meh bakah, sam rawng thlak leh hmeichhe sam tan leh siam thlengin a ti thei bawk a, lu meh man a lo tlawm bawk nen mipa-in an intihhmuh hle a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: