Aizawl | May 24, 2025: Vawiin chawhnu khan Power & Electricity Minister F Rodingliana chuan ama chenna inah Chanchinbumi te a kawm a. He hunah hian Electric Bill thar May tha atanga kalpui tan chungchang te a sawifiah a. P&E Department hnuaia hmasawnna te, hmalakna thar te, a bikin Smart Meter hman tur chungchang te a sawifiah bawk.
Revamped Distribution Sector Scheme (RDSS) hnuaiah Electric sem darhna kawnga hmasawnna hna chi hrang hrang thawh mek a ni a, hemi in a ken tel, electric Bill siamna software thar chu Aizawl, Lunglei, Lawngtlai, Siaha, Serchhip, Champhai, Khawzawl, Saitual leh Kolasib-ah te hian May 2025 atangin hman a lo a ni ta a ni.
He billing software tharin a ken tel zingah Central Electricity Regulatory Commission (CERC) duh dan zulzui a siam, Mizoram Electricity Supply Code Regulations, 2013 in a sawi angin Tariff slab sang zawka bill chhut (calculate) loh tur, nimahsela reading lak hun dik taka lak a nih loh vanga tariff slab sang zawka chhut (calculate) ngai thin ti bo turin Pro rata basis (daily basis) bill calculation chu he billing software tharah hian hman a ni. Bill chhut (calculate) dan chipchiar zawka hre duh tan Electric Department office ah zawh fiah theih reng a ni e.
He software thar hman tan avang hian bill la hmulo awm theih a ni a, Bill la hmu lo te tan pawh computer atangin pedmconsumer.ugoerp.com/ ah leh mobile application atanga pedmconsumer application download theih niin hetah hian bill pawh a pek nghal theih bakah bill chipchiar zawkin pdf format a download theih a ni bawk.
He scheme (RDSS) ah hian kan meter hman lai hi smart meter a thlak vek tur a ni a, State danga kalpui tawh smart meter hmanga pre-paid system pawh kalpui ve tura hmalak chhoh mek a ni.
P&E Secretary Pi K.Lalrinzuali pawhin P&E hmalakna te mipui ten an hriatfiah loh lai te a awm theih thin avangin Mipui hnenah Information tam zawka pek chhuah thin a ni dawn tih a sawi a. Electric Bill thar kalphung leh kalpui dan hi Web : pedmconsumer.ugoerp.com/ leh Mobile App : pedmconsumer atangin a hriatchian theih tih a sawi bakah. P&E Mobile App hi chhungkaw tin ten an download chuan Bill pek kawngah a awlsam phah hle dawn in a sawi bawk.
Chanchinbumi te leh P&E Minister inkawmnaah hian P&E Senior Engineer te pawh an tel a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: