MSU-in CUET 2025-ah Mizo zirlaite state pawn exam centre pek an nih chungchangah hma la

MSU-in CUET 2025-ah Mizo zirlaite state pawn exam centre pek an nih chungchangah hma la

Aizawl | May 16, 2025: Mizo Students’ Union (MSU) chuan nimin khan Common University  Entrance Test (CUET) 2025 neih mekah Mizo Zirlai tam tak state pawn exam centre-a  allot an nih avanga harsatna an tawh chungchangah CUET buatsaihtu ber National Testing  Agency (NTA) Director Pradeep Singh Kharola IAS hnenah hma lakpui tura ngenna an thehlut.

Common University Entrance Test (CUET) hi Central University hnuaia Under Graduate leh Post Graduate zir thar tur tan a India ram chung College leh University tam zawk a admission an tih dawn a Test paltlang ngei ngei ngai a ni a. Tunah pawh hian Mizo zirlai tam takin India ram chhunga College ṭha hrang hrang a an luh ve theih nan CUET pe tur hian application an thehlut a, mahse, Mizo zirlai tam tak te chu state pawn a exam centre-a test pe tura tih an ni.

Mizo zirlaite Mizoram pawn a CUET exam pe tura allot an nih hian sum leh paiah harsatna an tawh thin avangin CUET exam hi an lo pek theih loh phah fo tawh thin a, chu bakah tunah hian Mizoram chhung a college-ah admission tih mek a nih avangin CUET exam tura hmun danga  an kal hian zirlaiten harsatna an tawh phah thei a ni.

Heng chhan hrang hrangte avang hian CUET 2025-a Mizo zirlai Mizoram state pawn exam centre a test pe tura lo allot tawh zawng  zawngte chu Mizoram chhungah ngei  an exam theih nana hma la tura ngenna hi MSU chuan  NTA Director hnenah a thehlut ta a ni.

MSU chuan mizo zirlaiten an harsatna tawh hi sutkian a nih theih nan hma a la zui zel dawn bawk  a ni.

Mizoram a zirna in sang bera kan neih Mizoram University hnuai a Post Graduate zir thar  turte pawh hi kumin aṭang chuan CUET paltlang veka lak tawh tur nia hriat a ni a. Hengte  avang hian Online exam centre changtlung tak kan mamawhna hi a nasa leh zual hle  a ni. 

Mizo zirlai CUET 2025 a extrance pe turte harsatna tawh hi sutkian a nih theih nan a hma a lak bakah hian hian Online exam centre changtlung tak Mizoram  a awm theih nan MSU chuan hma ala mek zel a ni.

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ