Miss Grand Mizoram 2025 - Vanlalnuntluangi

Miss Grand India 2025 a Mizoram aiawhtu Vanlalnuntluangi hi Holy Cross School, Thuampuiah High School English zirtirtu ni lai a ni a.

Miss Grand India a Vanlalnuntluangi vote turin helai hi hmet rawh

View this post on Instagram

A post shared by Vanlalnuntluangi (@vee.lnt)

kum 2002, January ni 4 khan R. Vanlalruati leh H. Lalrindika te inkarah lo piangin, an chhungkua in Țhuampui vengah an khawsa a, kohhran lamah chuan The Salvation Army, Țhuampui Corps a lawi an ni.

(Miss Grand Mizoram vote turin link ah hian lut rawh)

Vanlalnuntluangi hi Salvation Army Youth, Thuampui Corps a Assistant Secretary ni lai ani a, Territorial SAY-ah Publicity Sub-Council member ani mek bawk. Tin Thuampui Branch YMA lamah pawh Music Sub Committee leh Cultural Sub Committee member a ni mek bawk a, Mizoram aiawhtu tur hi nula rin tlak leh viak tha tak a ni tih a rin theih awm e.

Hei bakah hian tuna a thawhna school Holy Cross School, Thuampuiah hian Class 9 class teacher ani mek a, an school Academic Council Secretary ni mekin, Cultural Committee, Discipline Committee leh Management Board member a ni mek bawk.

Miss Grand International a India aiawh tuma intihsiak mek nula 45 te zinga kan aiawh mek tu Vanlalnuntluangi hi Beauty Pageant lamah hian a mikhual lo hle a, Beauty Pageant lo tel tawhna te hi tarlang ila, 2020 khan Miss Chapchar Kut-ah top 10 a lo inhlangkai tawhin, 2021-ah Miss PUC Top 10 a lo inhlangkai tawh bawk a, 2022 ah MZU Miss Freshers 1st Runner Up niin, 2023 khan MZU Varsity Miss atan thlan a lo ni tawh a. Nikum 2024 khan a national pageant hmasa ber atan Femina Miss India Mizoram title chuhin, 2025 hian Miss Grand Mizoram atana thlan a lo ni ta a ni.

Mizo zingah chuan national pageant a tel hmaa experience nei tha sa ber pawl anih avang hian mipui pawhin a lakah beisei an nei sang hle a, Mizoram nulate zinga International Beauty Pageant tel hmasa ber ni thei ngei turin a theihtawp a chhuah mek a ni.

Miss Grand India inelna a vote thlak tur hian vote 1-ah Rs 50 zel sen a ngai a, mahse mi pakhatin duh duh zat a vote theih thung. Miss Grand Mizoram vote turin helai hi hmet rawh.

Miss Grand India tel chhan Explore Mizoram-in kan zawhna chu, "Kan Pathian thuin mahni talent țheuh ti pung tura min zirtir angin, ka thiam leh tuina zâwnga Pathian ropuina tarlan na’n leh Mizoram tâna ka pên chhuah ve theihna anih avangin. Tin, kawng tina hma sâwn tur kan nih angin Mizoram in pageantry khawvela bung thar kan kai na atan a vawikhatna ni turin Miss Grand India ah ka tel a ni." tiin a chhang.

Mizoram Mipuite hnena Miss Vanlalnuntluangi thu chah:

"India rama literacy rate sang ber dawttu Mizoramah hian ziak leh chhiar chauh ni lo, thiamna tak nei engzat nge awm ang? Zirna țha an ban phâka a awm ve loh avanga zirna chhunzawm lo naupang leh țhalai engzat nge awm ang? Mi tin hian zirna țha, Quality Education neih hi kan phu vek a, kan dikna chanvo a ni."

"Kan family lineage pum puia University Graduation hmang hmasa ber ka ni a, harsatna tam tak kara ka nu leh pa te’n zirna țha, Quality Education an ngaih pawimawh hmasak tlat țhin zâr ka zo a ni."