Aizawl | May 15, 2025: All India Radio, Aizawl FM Zoawi 100.7 chu hun rei tak chawlhsan a nih hnuah vawiin atang khan thar thawh leh a ni.
All India Radio FM Zoawi hi 100.7 MHz ah kum 2008 August ni 15 atanga bultan niin programme hrang hrang tihchhuah thin a ni a, hun rei tak a kal hnuah kum 2024 January ni 20 khan tih tawp lai lawk a ni a, vawiin atangin rampuma Radio station ah FM channel thar thawh leh a ni.
Vawiina FM Zoawi awm thar leh tur puala hun hmanah hian Director leh Akashvani leh DDK Mizoram Cluster Head Pu DR Lalropuia chuan Tunlai social media leh internet khawvelah mi nawlpuiin Radio an ngaihthlak tam tawhloh laiin All India Radio Aizawl programme la chawinung rengtu FM Zoawi thar thawh leh ani chu lawmawm atih thu sawiin mipuite FM Zoawi ngaihlua lo ngaithla zel turin a ngen a ti a, FM Zoawi chu thalai te duhzawng tura duan ani tih sawiin a tir te atangin mipuiten an hlut thu leh ngaithlatute chu Mizoram chhung bakah Mizoram chhehvêl atangin an awm thin thu an sawi a. Mizo, English leh Hindi a puan a ni thin chuan Mizo fate an duai bik lo tih tilangtu a ni a ti. Mizo te tana finna tur thu tha tam tak an puan thin ngaithla tam chu an ât ngai loh thu a sawi a ni.
Director chuan Harsa taka All India Radio hmasawnna atana an thawh chhoh dan sawiin FM Zoawi 100.7 MHz chu a tira darkar 5 chauh FM Zoawi programme awm thin chu tunah chuan nitin darkar 14 lai an neih theih tak thu leh mobile app hmanga live stream-in a kal thei a ti a, Kum 2019 August ni 15 khan chhun program dar 11AM to 2PM hawn belh leh ani ati bawk.
All India Radio FM Zoawi hi AIR Studio, Tuikhuahtlanga atanga tihchhuah thin a ni a, kum 2022 August ni 15 khan a kum 15-na champha phak anlo lawm tawh a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: