nikumah hri kai 73 an hmuchhuak a, nunna chan erawh an awm lo.
 |
| Explore Mizoram COVID - 19 Campaign Logo |
Aizawl | May 30, 2025: Integrated Disease Surveillance Programme (IDSP), National Health Mission, Health & Family Welfare Department chuan COVID-19 hrileng chungchangah thuchhuah siamin, Mizoramah Covid-19 hri kai thar mi 2 (pahnih) hmuhchhuah an nih thu leh enkawl mêk an ni a, ngaihtuahawm an nih loh thu an tarlang a, mipuite lo chi ai lo turin an ngen bawk.
Thuchhuahin a tarlan danin, nikumah hri kai 73 an hmuchhuak a, nunna chan erawh an awm lo.
Tun hnaia India ram hmun thenkhata Covid-19 Variant JN.1, XFG leh LF.7.9 positive case hmuhchhuah a nih leh chungchangah mipuite lo chi ai lo turin Sawrkar chuan a ngen a, tun dinhmunah Covid-19 hri kaite hi na lutuk an awm loh avangin, in lamah enkawl an ni tlangpui. Covid-19 hrileng chhui hna hi Integrated Disease Surveillance Programme (IDSP) leh Indian Council of Medical Research (ICMR) kaltlangin National Surveillance System chuan chhum lo chat lovin a la kalpui reng a ni.
Mizoramin Covid-19 positive kan neih hnuhnun ber chu October 2024 kha a ni a, kum kal ta 2024 chhunga Mizoramin Covid-19 cases a neih zawng zawng chu mi 73 an ni a, nunna chân an awm lo a ni.
Tunah hian Mizoramah Covid-19 hri kai thar hi mi 2 (pahnih) hmuhchhuah an ni a, Zoram Medical College & Hospital, Falkâwnah enkawl mêk an ni a, ngaihtuahawm an ni lo.
India rama Covid-19 hri variat thar kai an tam chhoh hnu ah a vawikhatna atan vawiin khan Mizoramah State Level Task Force on Covid-19 chu an chairman Health & Family Welfare Secretary Pu H. Lalengmawia hovin CS Conference Hall, MINECO ah an thukhawm.
He meeting ah hian H&FW Department in hripui leng hmachhawn tura a inpuahchahna te sawiho niin, test kalpui tura khawl leh hmanrua hrang hrang dinhmun leh mamawh la awm te sawiho a ni
H&FW Secretary chuan tunhnaia Covid-19 hrileng chu mipui te tan chi ai phah na tur a awmlo a, amaherawhchu inbuatsaih lawk hi a finthlak a ni, a ti.
India ramah he hrileng dinhmun hi a sang chho zela; Chutihlai chuan Mizoramah chuan case hnih chauh la hmuh a ni.
Covid-19 chungchanga mipui hriat tur pawimawhte:
1. Sahbon/Handwash hmangin Kut fai taka sil thin tur a ni a, Hand Sanitizer hman thin bawk tur a ni.
2. Hritlâng awm na neite chuan Mask vuah tur a ni.
3. Natna benvawn, heng Cancer, Zunthlum, Thisen Sâng, Asthma, HIV etc. veite, Nu Naupai leh Kum upa te fimkhur lehzual tur a ni a, a theih chuan puipunnaah kal loh hram tur a ni. Loh theih lova puipunna a kal tur te chuan Mask uluk taka vuah tur a ni.
4. Covid Symptom neite chu puipunna hmunah kal loh tur a ni a, midangte kan kai darh lohna turin mahni inven fimkhur tur a ni.
.
Post a Comment
He post chungchanga i ngaihdan lo sawi ve rawh: