Aizawl | May 30, 2025: Aizawl Municipal Corporation (AMC) inthlan 2026 - a reserve / hmeichhe ward tur - ward ruk te chu vawiin khan pawh niin, tihchian a ni ta.
AMC Election 2026 Reserved / Women Ward tur te:
1. Ward No - II (Bawngkawn, Chaltlang etc)
2. Ward No - IV (Ramhlun South & Ramthar)
3. Ward No - V (Chanmari, Electric etc)
4. Ward No - XI (Luangmual, Chawlhmun etc)
5. Ward No - XII (Tuikual N & S, Dinthar)
6. Ward No - XVII (Republic, Venghlui etc)
4th General Election to Aizawl Municipal Corporation(AMC),2026 inbuatsaihna kal mek zelah vawiin khan DC Conference Hall-ah Dr H Lalthangliana, Mizoram State Election Commissioner kaihhruaina hnuaiah Women Reserved Seats 6 tur thumvawra zawnna programme hman a ni.
Dr H Lalthangliana chuan thumvawr (Draw of lots) kalpui dan tur chipchiar taka sawifiahin, State Election Commission chuan felfai tak leh lang tlang taka thumvawr( draw of lots) hi kalpui a duh avangin ngaihtuahna pawh kan seng nasa hle a ni, a ti.
Vawiin programme-ah hian Recognized leh Non-Recognized Political Party, MJA, Mizoram Upa Pawl (MUP) leh Mizoram People Forum aiawh te an tel a. Thumvawr (Draw of lots) hi Mizoram Upa Pawl (MUP), Mizoram People Forum leh Mizoram Journalists’ Association aiawh ten an pawt a ni.
Tichuan AMC hnuaia Wards 19 atangin Ward 6 te hi General Election to AMC, 2026 a Women Reserved seats atana thumvawr hmanga thlanchhuah an ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: