AMC thawktute'n an thawhpui duty lai sutu an dem!

Aizawl | May 5, 2025: Aizawl Municipal Corporation (AMC) thawktu inzawmkhawm Aizawl Municipal Corporation Employees' Association (AMCEA) chuan an thawhpui kutthlak a nih dem.

AMCEA chuan vawiin khan thuchhuah siamin, "Ni 25 April, 2025 (Zirtawpni) zana AMC Bazar (AMC Multi Complex), Tuikual South-a Aizawl Municipal Corporation (AMC) Staff duty Pu Robert Lalremruata, JE chu Benjamin C. Lalruatsanga s/o C. Lalpartlana (Delta Sound), Tuikual South a mi chuan scooty-in a su a, he thil thleng hi CCTV footage atanga hmuh dan chuan tih path ni lovin, tlh luih/ sut luih ngei niin a lang a ni," an ti a.

"Pu Robert Lalremruata hi Civil Hospital Casualty pan pui nghal a ni a, X-ray leh CT Scan-te tiin, vanneihthlak takin hliamna lutuk a nei lo hlauh a ni." an ti bawk.

"Hetianga kan thawhpui Official duty lai sut luih a ni hi keini Aizawl Municipal Corporation Employees' Association (AMCEA) chuan pawi a ti a, pawi khawihtu hi kan dem tak zet a ni. Tun hnuah hetiang thil hi thleng tawh lo se tih hi AMCEA duh dan a ni." tiin an thuchhuah chuan an tarlang.

AIZAWL MUNICIPAL CORPORATION EMPLOYEES' ASSOCIATION 

AIZAWL : MIZORAM 

THU CHHUAH  

Dated Aizawl, the 5'" May, 2025: Ni 25 April, 2025 (Zirtawpni) zana AMC Bazar (AMC Multi Complex), Tuikual South-a Aizawl Municipal Corporation (AMC) Staff duty Pu Robert Lalremruata, JE chu Benjamin C. Lalruatsanga s/o C. Lalpartlana (Delta Sound), Tuikual South a mi chuan scooty-in a su a, he thil thleng hi CCTV footage atanga hmuh dan chuan tih path ni lovin, tih luih/ sut luih ngei niin a lang a ni. Pu Robert Lalremruata hi Civil Hospital Casualty pan pui nghal a ni a, X-ray leh CT Scan-te tiin, vanneihthlak takin hliamna lutuk a nei lo hlauh a ni.

Hetianga kan thawhpui Official duty lai sut luih a ni hi keini Aizawl Municipal Corporation Employees' Association (AMCEA) chuan pawi a ti a, pawi khawihtu hi kan dem tak zet a ni. Tun hnuah hetiang thil hi thleng tawh lo se tih hi AMCEA duh dan a ni.

Sd/-

R LALMUANPUIA

President, AMCEA

Sd/-

JIMMY LALTHIANGHLIMA

General Secretary, AMCEA

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ