PATHIAN AW HRIAT DAN

_Pathian Nena Inzawm: Lalpa tawngtaina_

- Rick Warren

- May 6, 2025

“Aw Lalpa, i chanchin an hril ka lo hria a, mak ti tak chungin chibai ka buk che a ni ...” Habakuka 3:2

Pathian chu hla taka awm a ni lo - i thian nih a duh a ni. Thian dang i kawm ang hian, amah nena inbiak leh inkawm hi a duh reng a ni. A hnena atanga aw hriat i duh chuan, chibai buk atangin bul tan rawh.

Kawng danga kan sawi chuan, i nun kawng engkima a tel ve avang leh i chanchin hriat reng a duh avangin lawmthu sawi rawh. I tawngtaina a chhan avangin lawmthu sawi rawh: “Aw Lalpa, i chanchin an hril ka lo hria a, mak ti tak chungin chibai ka buk che a ni ...” Habakuka 3:2. Pathianin hmathlir a pek che chuan, Pathianin tihtur a pek che chuan, Pathianin i tawngtaina a chhan chuan, lawmthu sawi rawh! Chu chu chibai bukna tho a ni.

I tawngtainaah chuan nangmah atanga chauha dilna lut thin kha tih tawp nise ka duh a. Pathian nena inbiaka indawr tawnna, titi dun na ni thei se. I tawngtaiin a ngaithla ang che a, zawhna i zawhin a chhang ang che. Nitin biak che a duh a ni. Nitin nilenga rinawm taka i kawm thin chuan, i nun chu a khawih danglam ngei ang che.

Pathian aw i hre hrang lo anih chuan a hnen atanga ngaihthlak chu a har viau ang. Hriatna chu kawng thumin a inthen a: Hriatna, thian satliah leh inthian thatna. A pakhatna hriatnaah hian ila tang a ni maithei; Pathian chu i hriaa, nimahsela amah chu i hrechiang lo a ni. A pahnihna zawkah pawh hian ila awm a ni maithei e. Pathian chu hriat zawng i hriaa nimahsela, i hre fumfe lo pawh a ni thei e. 

Pathian chuan thian tha anga kawm turin a duh che a. I thian nih a duh a, a thian i nih pawh a duh a ni. Nitina amah biak i harsat anih chuan, thian angin bia la, hetiang hian tawngtai ang che:

“Aw Lalpa, ka thian i ni duh hi a mak ka ti a ni. Titi ang tak taka inkawm hi ka duh a ni. Nitina nangmah nena kan inkawm theihnan min pui ang che. Ka hna chungchangah te, kan chhungkua, ka hmalam hun leh nitina ka nunah te i thurawn lak ka duh a ni. Ka nun hruaitu lo ni la, nang ka zui che a, ka rin avang che hian ka Lal leh Chhandamtuah ka pawm a che, Isua hmingin ka dil a che. Amen” 

  

Ngaihtuah zui atan

* I lawmna chu engtin Pathian hnenah chibai bukna atana hmang siin i puanchhuah theih ang?

* Pathian aw i hriat theih nan engtin nge hun awl i pek ang? Eng zawhnate nge i zawh ang?

* Pathian hriatna chhawng thumte Hriatna, thian satliah leh inthian thatna a awm a. A eng berah nge i awm? Amah nena thuk zawka in inthian theih nan engtin nge tan i lak ang?

*[Lettu: Sangpuia]*