ZION STREET INVIHNA CHHUNGCHANG THIL THLEN DAN REPORT

(ZION STREET INVIHNA CHHUNGCHANG THIL THLEN DAN REPORT Social mediaa darh chu a ngai ang angin kan dah e.)

Dt.3.4.2025 dar 9:10 AM khan Aizawl Police Station ah Telephone call 112 atanga dawn niin Zion Street Dawrpui ah invit an awm thu dawn a ni. Hemi thu dawn a nih rual hian Aizawl PS Duty Officer leh a hote chu Aizawl Police Station atangin a hmun ah an tlan thla nghal a, a hmun atang hian a vittu Zoramsanga (39) s/o Ronghaka of Hunthar chu  Aizawl PS-ah lak niin thu zawhfiah nghal a ni a. A sawi dan chuan zing dar 9:00 AM khan a thianpa Lalchhuanmawia (28) s/o Thankhuma of Bethlehem Vengthlang, Aizawl nen an inhnialbuai chu a thianpa chuan a thil zawrh lai Thei (Fruits) chu a paihdarhsak a. Amah hi pianphunga rualbanlo (kebai) a nih avangin ni dangah pawh a lo chhaih thin a. Hetia a thil zawrhlai a paih darh sak takah chuan a thinrim chuan a Pencil Knife (thlalak ami hi) ken lai chuan a nak veilamah a vit ta a ni. 

      A victim Lalchhuanmawia hi Civil Hospital, Aizawlah hruai nghal a niin treatment pek a nih hnuah dt 04.04.2025 khan chhuah leh a ni. A victim Lalchhuanmawia leh a chhungte hian, thian inkawp reng, thil zuar dun thin an nih avangin FIR thehluh an duh lo a,  amah Lalchhuanmawia pawhin ziakin case siam a duh loh thu a thehlut bawk a ni.  Amaherawhchu  Zoramsanga hian zu a ruih avangin Breathe Analyser ham tir a niin BAC pawh 169mg/100ml a ni. Zu a ruih avang hian Dt.4.4.2025 khan Zurui case (AZL-PS Non-FIR PartT-IV C/No 29/20225 dt 04.04.2025 u/s 6 (3) MLP Act) in District Court, Aizawl ah thawn a ni. He thilthleng chungchangah hian , thil nihdan bak a thu belh thehdarh lo turin kan in ngen in kan in hriattir a ni.

Officer-in-Charge, 

Aizawl Police Station

.