Aizawl | April 8, 2025: Sorkar hnathawk inzawm khawm pawl Federation of Mizoram Government Employees & Workers (FMGE&W)-in Mizoram Universal Health Care Scheme (MUHCS) zawm rih loh an rel.
FMGE&W Gen Conference vawi-33 na agenda no.8 thutlukna angin sawrkar hnathawk ten contribution pek kan hreh hauh loh laiin sawrkarin MUHCS a kalpui tum danah system fello tam tak ala awm avangin hemi tihchian anih hma chu contribution hi pek hrih loh nise, tihluihnaa sawrkar in min cut luih a tum anih chuan legal option hman ni rawhse, tiin lungrual takin a pass a ni.
Mizorama sawrkar hnathawk inzawmkhawm pawl, Federation of Mizoram Government Employees & Workers (FMGE&W) inkhawmpui vawi 33-na chu vawiin khan Vanapa Hall-ah neih a ni a, an thu rel zingah sorkar Health Care Scheme thar chungchang hi a tel a ni.
FMGE&W General Conference ah hian chawhma lamah hruaitu thlan a ni a, thusawitu, an President, Er. R. Lalrammawia chuan Mizoram sawrkar hnuaia hnathawkte chu Mizoram sum leh pai chet velna-ah nasa taka tha thawhtu an nih angin sawrkar pawhin nasa zawkin ngaihven se a duh tih a sawi a, an mamawh an thlen te an duh angin hlawhtling vek ṭhin lo mahse sawrkar hotute nena an indawr ṭhin na-ah erawh hmasawna tam tak an nei tih a sawi a ni.
FMGE&W inkhawmpui ah hian chawhnu lamah rorel a ni a, Agenda pariat lutin heng zingah hian Central sawrkar hnathawkte Dearness Allowance (DA) pun ruala Mizoram sawrkar hnathawk te DA pun ve zel dan tur te leh Mizoram Universal Health Care Scheme chungchang te pawh a tel a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: