MZP-in Raltlante tih hmingchhiat nana thu belhchian dawl lo thehdarh ching an awm vanduaithlak ti; raltlan zingah pawi khawih an awm chuan dan anga hrem turin thuneitute ngen

Aizawl | Apri 8, 2025: MZP-in Raltlante tih hmingchhiat nana thu belhchian dawl lo thehdarh ching an awm chu vanduaithlak an ti a, raltlan zingah pawi khawih an awm chuan dan anga hrem turin thuneitute an ngen.

He thu hi Vawiin ni 8 April, 2025 (Thawhlehni) chawhma dar 11-a MZP Pisapui-a MZP General Headquarters Extended OB leh Adviser meeting in a ngaihtuah a, meeting hi an pawl president H Lalthianghlima'n a kaihruai a ni.

Meeting chuan, Myanmar leh Manipur buaina avanga Mizoram a raltlante chu Mizo mipuite'n duat taka kan lo dawngsawng leh tuamhlawm hi a Mizo ziain, Kristian kan nihna anga kan tih tur dik tak kan tiah a ngai a. Mizoram chu Zofate Inpui a nih avangin, Mizoram chhehvel a harsatna tawk ten pan berah an rawn nei hi, Mizote vanneihnaah a ngai a ni. 

Meeting chuan, raltlante Mizoram-ah an tam tawh avangin hnawk tihna tawngkam pawh a tam ta hle a. Raltlante zingah thil tisual an awm chuan, dan anga hrem thin turin thuneitute a ngen a. Chutih rualin eng emaw hlekah raltlante phih awhna tur dapa, raltlante tih hmingchhiat nana thu thehdarh ching kan awm ta fo hi vanduaithlak a ti a. Hei hian Zofate inpumkhatna leh in unauna ati chhe hle a ni. 

Hetiang thu belhchian dawllo hmanga raltlante puh chhiatna, finfiaha rang taka chhuichhuaktu Mizoram Police-te chungah MZP chuan lawmthu a sawi nghal a ni. 

Meeting chuan, Raltlante enkawl dan leh chhawmdawlna mumal zawk a awm theih nan, Mizoram sawrkar hian dan mumal tak siam thuai se a duh a. Hei hian Mizoram mipuite leh raltlante inkarah inhriatthiamna a siam a beisei a ni. 

MZP chuan, Zofate inunauna tichhe thei zawnga hmalakna leh tawngkam chhakchhuak lo turin mi tin a ngen ni. 

Issued by: MZP General Headquarters, Aizawl

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ