A TIR ATA PATHIAN THIL RUAHMAN

_Hmangaihna Thumal Ropui Pasarih_

By Rick Warren 

— April 08, 2025

“In rilru thlarauvah chuan atharin lo awm ula; mihring thar, thutak felna leh thianghlimnaa Pathian anga siam khan inthuam bawk ula.” Ephesi 4:23-24

A tir ata Pathian thil ruahmannaah chuan, a Fapa Isua ang tura siam che hi a tum a ni. Chu chu i tawpna tur a ni. Chu chu Pathianin thil a siam khan a lo puang daih tawh a: Pathianin, “Kan anpuiin, keimahni ang takin mihring siam ila ...,” a ti a. (Genesis 1:26).

Thilsiam dang zawng zawng zingah, mihringte chauh hi Pathian anpuia siamte anni. Nimahsela Pathian anpui nihna chu a famkim lo va, sual avang chuan tihchhiatin a awm leh zel a ni. Tichuan Pathianin ama anpui nihna chu a famkima kan chan leh theihna turin Fapa Isua a rawn tir ta a ni.

Pathian anpui leh amah ang taka siam chu engang nge ni chiah? Isua Krista ang hi a ni! Bible chuan Isua chu “Pathian anpui,” “hmuh theihloh Pathian anpui,” leh “ atak anpui ngei” (2 Korinth 4:4 , Kolossa 1:15, Hebrai 1:3). 

“A pa sia siar” tih ṭawngkam an hman ṭhin ang hi an inanna chu a ni. Miin ka faten min chhun thu an sawi chua ka lawm ṭhin. Pathian pawhin a fate chu amah ang taka awm turin a duh bawk a ni. Bible chuan, “Pathian anga siam khan inthuam bawk ula,” a ti a ni. (Ephesi 4:24).

Sawifiah lehzual tum ila: Pathian emaw milem pathian emaw i ni ngai dawn lo va. Chutiang anga awm duhna i neih chuan setana thlemna a ni. Setana khan Adama and Evi te kha, “pathian te ang in ni ang," tiin a thlem thlu a nih kha. (Genesis 3:5).

Sakhaw hrang hrang leh zirtirna hrang hrang te chuan thu diklo pathian emaw milem pathian emaw kan nih theih thu hi an la inzirtir tlat a ni. Chu chakna chuan min hruai sual a, kan hmalam hun atan tia bawh huam huamin kan in thunun thei ta ṭhin lo a ni.

Thilsiam aṭang chuan, engtikah mah Siamtu kan ni thei ngai dawn lo. Pathian pawhin pathian ni turin a duh lo che a. Pathian duhzawng ngaihtuaha rilru, ngaihtuahna leh nungchangah amah ang turin a duh zawk che a ni.

Chu kohna chu i chhanletnaah chuan, Pathian thiltumah chuan i nawmna tur lam ai mah chuan i nungchang hmsawnna hi a ngai pawimawhnzawk a ni. Thlarauva ṭhanglian tur leh Isua ang turin a duh che a ni. 

Ephesi 4:22 chuan, “In hman lai awm dan kawnga mihring hlui, bumna chakna anga chhe deuh deuh kha hlip thla ula,” min ti a ni. Chutiang taka awm tur chuan a duh che a ni!

Ngaihtuah zui atan

* Isua ang tura koh i nihna hi i inhriatchhuah vek hnuah hian, a tawk zovin i inhria em? Engvang nge?

* Ephesi 4:22 en la. Engvangin nge kan nun dan thlak danglam turin kan ngaihtuah dan thlak danglam hmasak a pawimawh?

* Isua i an deuh deuh theihnan Isua chu engtin nge i hriatchian deuh deuh theih ang?

*[Lettu: Sangpuia]*