MZP GHQ-in mi kut tuara boral PS Muanga ral

Champhai | April 4, 2025: Vawiin chhun dar 12:30 khan MZP General Headquarters, Aizawl chuan MZP Headquarters Champhai ECM nilai PS Muanga, mi kuttuar a thi ni ngeia hriat chu an chenna in Champhai Bethel-ah an ral.

MZP General Headquarters chuan, an member leh hruaituin hetiang vanduaina a tawk hi pawi a tiin, hriatthiam har a ti hle a. MZP Headquarters leh Champhai Bethel Veng V.C leh NGO hrang hrangte hmalakna avanga, pawikhawihtu nia hriat mi pakua (9) man an ni hi lawmawm a ti hle a. Champhai Police ten rang taka hma la nghalin, pawikhawihtu nia hriatte man tura chak taka hma an lak avangin MZP chuan Police-te chungah lawmthu a sawi a ni.

MZP chuan pawikhawihtu ten an phu tawk hremna an hmuh ngei theih nan, chak taka hmala turin thuneitute a ngen tak meuh a. Hetiang a in pawng nekna tun hmaia hluar ta lutuk hi tih tawp a nih theih nan hmala turin thuneitute a ngen nghal a. Mitin fimkhur turin leh Mizoram ram nuam leh ralmuang tia hriat a nih zel theih nan, mitin hawihhawmna leh inhmangaih tawnna vawng nung turin MZP chuan mitin a ngen a ni.