Aizawl | April 4, 2025: MZP Lungleiin ATL road siamṭhatna tur sum cheng vcbh 90.69 pawhpen a ni chu pawi an ti a, chhim mipuite zahlohnaah ngai.
He thu hi vawiin khan Mizo Zirlai Pawl (MZP) Headquarters, Lunglei chuan thuchhuah siamin an tarlang a, "Lunglei leh Chhim lam mipuite’n hun rei tak nghakhlel taka kan lo thlir tawh ATL Road siam ṭhatna tur sum cheng vaibelchhe 90.69 pawh pen a ni chu pawi a tiin a hrethiam lo hle a. Tun dinhmunah Pukpui leh Mausen inkar kilometre 14 chauh siam ṭhat tum a ni chu he kawngpui hmang ṭangkaitu chhim mipuite zahlohna ah MZP Headquarters, Lunglei chuan a ngai a ni." an ti.
Ni 14 March, 2025 Assembly Budget Session-a PWD Minister Pu Vanlalhlana thusawi Bagheeratha Engineering Company Performance Bank Guarantee aṭanga sum hmuh let cheng vaibelchhe 90.69 hi Mizoram Legislative Assembly Estimate Committee chuan sorkar hnenah ATL road siamna atana hman ni rawh se tiin a thlen a. Sum hmuh cheng vaibelchhe 90.69 aṭanga cheng vaibelchhe 45.89 chauh ATL road siam-na tur atana sum dah a ni hi sorkar thuneitute’n ennawn leh turin MZP Hqrs.: Lunglei chuan an ngen a.
ZPM sorkar tirh a Public Accounts Committee(PAC) te’n ‘Lunglei kawng a ṭha reng tur a ni’ ti a an lo sawi tawh angin an thil sawi ah hian nghet taka an din kan beisei bawk a ni. Chhim lam mipuite hman ṭangkai em em ATL road siam ṭhat na tur atana sum awm zawng zawng hi dah let leh dan kawng zawng turin MZP Hqrs.: Lunglei chuan an ngen bawk.
MZP chuan, ATL road siam tur a siamtu tur ber la tih fel a ni lo leh hna ṭan theih a la ni lo hi pawi a ti hle a, tun ang renga thil a kal a nih chuan fur chhungin kawng hi siam zawh hman a ni dawn lova, April thla ral hma ngei a hna hi ṭan anih theih nan thuneitute chu hma la vat turin an ngen a ni.
MZP Headquarters, Lunglei chuan, ATL road siam ṭhatna tur sum pawh pen hi an hmuh let leh ngei theihna atan theihtawp-in hma lak chhunzawm zel tumin, kawng ṭha an neih theih nan a tawp thlengin hma lak an tum a, hemi chungchangah hian mipuite thlawpna an dil nghal bawk a ni.
MZP HQRS.:LUNGLEI
PRESS RELEASE
PR No-19 of 2024-2026
Mizo Zirlai Pawl (MZP) Headquarters, Lunglei chuan Lunglei leh Chhim lam mipuite’n hun rei tak nghakhlel taka kan lo thlir tawh ATL Road siam ṭhatna tur sum cheng vaibelchhe 90.69 pawh pen a ni chu pawi a tiin a hrethiam lo hle a. Tun dinhmunah Pukpui leh Mausen inkar kilometre 14 chauh siam ṭhat tum a ni chu he kawngpui hmang ṭangkaitu chhim mipuite zahlohna ah MZP Headquarters, Lunglei chuan a ngai a ni.
Ni 14 March, 2025 Assembly Budget Session-a PWD Minister Pu Vanlalhlana thusawi Bagheeratha Engineering Company Performance Bank Guarantee aṭanga sum hmuh let cheng vaibelchhe 90.69 hi Mizoram Legislative Assembly Estimate Committee chuan sorkar hnenah ATL road siamna atana hman ni rawh se tiin a thlen a. Sum hmuh cheng vaibelchhe 90.69 aṭanga cheng vaibelchhe 45.89 chauh ATL road siam-na tur atana sum dah a ni hi sorkar thuneitute’n ennawn leh turin MZP Hqrs.: Lunglei chuan a ngen a. ZPM sorkar tirh a Public Accounts Committee(PAC) te’n ‘Lunglei kawng a ṭha reng tur a ni’ ti a an lo sawi tawh angin an thil sawi ah hian nghet taka an din kan beisei bawk a ni. Chhim lam mipuite hman ṭangkai em em ATL road siam ṭhat na tur atana sum awm zawng zawng hi dah let leh dan kawng zawng turin MZP Hqrs.: Lunglei chuan a ngen bawk a ni.
ATL road siam tur a siamtu tur ber la tih fel a ni lo leh hna ṭan theih ala ni lo hi MZP Hqrs.: Lunglei chuan pawi a ti hle a, tun ang renga thil a kal a nih chuan fur chhungin kawng hi siam zawh hman a ni dawn lova, April thla ral hma ngei a hna hi ṭan anih theih nan thuneitute chu hma la vat turin MZP Hqrs.: Lunglei chuan a ngen a ni.
MZP Headquarters, Lunglei chuan ATL road siam ṭhatna tur sum pawh pen hi kan hmuh let leh ngei theihna atan theihtawp-in hma a lak chhunzawm zel dawn a. Lunglei tan leh mipui tan kawng ṭha kan neih theih nan a tawp thlengin hma kan la dawn a, mipuite thlawpna kan dil nghal bawk a ni.
Issued by:Mizo Zirlai Pawl Hqrs.:Lunglei
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: