"Kuhva ro man sa hralh danah thil dik lo nasa tak kan hmuchhuak zel," - MNYF

Aizawl | April 24, 2025: "Kuhva ro man sa hralh danah thil dik lo nasa tak kan hmuchhuak zel," - MNYF

Mizo National Youth Front (MNYF) Headquarters chuan vawiin khan a tum hnih nan, Thingdawl Polytechnic building a dan lova kuhva ro man sa dahkhawmna leh Truck Trip 2 load sa awm reng chu senghawi tumin a hmunah an tlawh leh a. "Truck trip 2 lai mai sawrkar venhimna hnuaia an phurchhuak leh tih a taka kan hriat hian a mak kan ti hle a, kan dem tak zet a ni." an ti.

MNF thalaite chuan, "Kuhva ro man sa sorkarin a enkawl dan leh a hralh chhawn danah thil dik lo a tam hle tih kan hmuh belh zel a, cheng 400 Lakh chuang man ni si cheng Nuai Sawmpali Singruk Sangthum (14,63,000) chauh a Vai Smugglers te hnena a hralh hian cheng nuai za bi eiru an awm tih a tichiang hle a ni." an ti a. "Sorkarin ruk ruk thil a Auction hrim hrim hi a mak em em a, Reserved price (chhan hniam theihna ber) pawh siam lova Sorkar duhsak zawngte lei tir an nih dan phei hi chu mak kan tiin kan dem tak zet a ni." an ti bawk.

MNYF chuan thuchhuah siamin, "Hetianga ram pumin dan kalha Burma kuhva ro kan buaipui mup mup laia nimina Tuirini bula Burma kuhva ro Truck lian Trip 3 ualau taka khawchhak lam atanga an rawn la phur thla zel te hian Mizoram hi Smugglers te zalenna hmun ah ZPM Sorkarin a siam mek zia a tilang a ni." an ti a.

MNF Thalaite hian, "ruihhlo leh dan lova kuhva ro a sumdawng Smugglers te an zalen ta lutuk hi pawi kan ti a, hemi kawnga Mizoram sorkar a huaisen ngamlo hi a vanduai thlak kan ti," an ti bawk.

MNYF chuan drugs leh Burma kuhva ro a sumdawnna an do zel tur thu sawiin,  Mizo mipuite pawh tawiawma pui turin an sawm a. Vawiin MNYF hnatlanna ah hian MNYF Headquarters bakah Serlui, Kolasib leh Tuirial Block atangin MNF hruaituten an tel a ni.

MNYF. Hqrs Aizawl

No.MNYF PR -47/2025-26

THUCHHUAH

No.PR/47 of 2025-26

KUHVA RO MAN SA KOLOSIB DC KAL TLANGA SORKAR-IN A HRALH DANAH THIL DIKLO NASA TAK KAN HMUCHHUAK ZEL.

- MNYF Hqrs

Vawiin ni 24/4/2025 (Ningani)  hian a vawi 2 nan MNYF Hqrs chuan Thingdawl Polytechnic building a dan lova kuhva ro man sa dahkhawmna leh Truck Trip 2 load sa awm reng chu senghawi tumin a hmunah kan tlawh leh a. Truck trip 2 lai mai sawrkar venhim na hnuai a an phurchhuak leh tih a taka kan hriat hian a mak kan ti hle a, kan dem tak zet a ni.

MNF thalaite chuan Kuhva ro man sa sorkarin a enkawl dan leh a hralh chhawn danah thil dik lo a tam hle tih kan hmuh belh zel a, Rs 400 Lakh chuang man nisi cheng Nuai Sawmpali Singruk Sangthum (14,63,000) chauh a Vai Smugglers te hnena a hralh hian cheng nuai za bi eiru an awm tih a tichiang hle a ni. Sorkarin ruk ruk thil a Auction hrim hrim hi a mak em em a, Reserved price(chhan hniam theihna ber) pawh siam lova Sorkar duhsak zawngte lei tir an nih dan phei hi chu mak kan tiin kan dem tak zet a ni.

Hetianga ram pumin dan kalha Burma kuhva ro kan buaipui mup mup laia nimina Tuirini bula Burma kuhva ro Truck lian Trip 3 ualau taka khawchhak lam atanga an rawn la phur thla zel te hian Mizoram hi Smugglers te zalenna hmun ah ZPM Sorkarin a siam mek zia a tilang a ni.

MNF Thalaite hian ruihhlo leh dan lova kuhva ro a sumdawng Smugglers te an zalen ta lutuk hi pawi kan ti a, hemi kawnga Mizoram sorkar a huaisen ngamlo hi a vanduai thlak kan ti.

MNYF chuan drugs leh Burma kuhva ro a sumdawnna kan do zel dawn a, Mizo mipuite pawh min tawiawma min pui turin kan sawm a ni.

Vawiin MNYF hnatlan na ah hian Serlui, Kolasib leh Tuirial Block atangin MNF hotuten min tawiawm bawk a ni.

Sd/- 

H.Lalawmpuia

Secretary

Media & publicity department

Memo.No PR - 47

Dt. 24.04.2025

Copy to:-

1) The President, MNF Gen.hqrs

2) The President, MNYF Hqrs

3) The President, MJA

4) All Leading electronic & print media, zau taka puangzar tura ngen an ni.