ISUAN NANGMAH AVANGIN TUAR A THLANG

  _Hmangaihna Thumal Ropui Pasarih_

 

- Rick Warren

- Apr 2, 2025

 

“Nimahsela Pathian chuan a mi hmangaihna chu fak tlakin a lantir a, misualte kan la nih laia Krista kan aia a thih avang khan.” Rom 5:8

 

Mi tlemte chauhin midangte tana tuar an inhuam a. Isua erawh chu a inhuam thuk hle. Mi pakhat tan chauh tawrh a huam lo va; khawvela mi zawng zawng tan tawrh a inhuam a ni.

 

Johana 19 ah Isua tawrhna kan hmu a: “Chumi hnuah chuan Isuan thil engkim tunah a kim tawh tih a hria a, Pathian Lehkha Thu kha a thlen nan,”Ka tui a hal e,” a ti a. Chutah chuan bel pakhat uain thura khat an hung a, chutichuan spanj pakhat chu uain thura chiah khatin, husop tiangah an tar a, a hmuiah an han thlen a.” Johana 19:28-29

 

Kraws ah khan, Isua kha a Pain a kalsanna hun harsa tak a paltlang a. Taksa hrehawmna pawh paltlangin - tuihal dangcharin a awm a ni. Na tuar ringawt a ni lo, tuihal dangcharin a awm tel a ni.

 

Mi zawng zawng sualna avanga tawrh chu Isua pawhin a bat a ni bik lo. Sualna engmah a nei lo. Engmah tihsual a nei lo. Tumah a tina hek lo. Nun famkimin a leng a ni.

 

Engvangin nge an khenbeh le?

 

Isua tuarna chu midang tlannan a ni. Kan sualna avanga tuar tlak kan ni theuh mai. Nimahsela Isuan kan aihawin tuar a thlang a, tuihal dangcharin a awm a, chu chu vanram i luh theihna tur a ni. Krawsa tuihala a awmna chhan chu i hlawkna tur anih vang a ni.

 

“Nimahsela Pathian chuan a mi hmangaihna chu fak tlakin a lantir a, misualte kan la nih laia Krista kan aia a thih avang khan.” Rom 5:8

 

Isuan a hmangaihna che hi a nasa hle a, a thuk a, a zau a, i sualna pawh ama sualnaah ngaiin a felnain a hliahkhuh ta a ni. Hremna leh tuarna zawng zawng lak ata a chhandam che a ni.

 

Chatuan nun i neih theihnan Isuan thih a thlang a ni. Nangmah tlanna tur chein Isuan tuar a thlang a ni.

 

Pathianin a hmangaihna che hi engtia nasa nge tih i ngaihtuah a ngai lo ve. Krawsah khan a lantir vek tawh a ni.

 

Ngaihtuah zui atan

 

* Engvangin nge Pathianin vanramah chatuana a kianga cheng ve tura a duh che i rin?

 

* Hmangaihna bakah hian, Isua tuarna atang khan Pathian mize dang nangmahah engnge lang?

 

* Enganga nasaa sual nge i nih tih hian enganga nasain nge Pathianin a hmangaih che tih engtin nge a hriatthiam tir che?

 

*Isua chu tlantu a ni*

 

Bible chuan Pathian Fapa Isua Krista rinna avang chauha vanram kai thei kan nihzia min hrilh. Vanram hi thawh chhuah chi a ni lo. _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9)

 

Isua hnenah i inhlan duh takzet anih chuan heti hian ṭawngṭai rawh le:

"Lalpa, i Fapa Isua Krista ka rin phawt chuan ka sualte ngaihdam a ni ang tiin min tiam a, chuvang chuan min siam chhan ka zir anga, nangin i vanramah min lo pawm ang tih ka ring.

 

"I hmaah ka sual ka puang a, i ngaihdam ka rawn dil e. Ka sual lak bo anih theih nan ka ai Isua a thi a, nangin i kai tho leh a ni tih ka ring e. Vawiin aṭang hian Isua hi min chhandamtuah ka pawm a,  ka Lal atan ka thlang e. Min hruai la, i duhzawnga nung turin min pui ang che. Isua hmingin, Amen."

 

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

 

*[Lettu: Sangpuia]*