Aizawl | April 14, 2025: CSS hnuaia thawktu inhlawmkhawm All Mizoram CSS Employees Coordination Committee (AMCECC) chuan, Pen/Tool Down Strike neih an tum chu kaltlangpui an tum.
AMCECC hian an thil phut hrang hrangte avanga sorkar nawr nan April 15 - 17 chhung hian, Pen/Tool Down Strike neih an tum thu April 12 khan thuchhuah siamin an lo tarlang tawh.
Vawiin khan, sorkar aiawh nen inbiain, mahse, an beisei ang thu an hmuh loh bakah an thu a inhmuh rih loh vang leh Sorkar aiawh nena an inbiak lai a 'Hlawh Cut' na tur OM chhuah hnan an nih avangin AMCECC Executive Emergency Meeting chuan Pen/Tool Down Strike hi kaltlangpui tur a ni tiin a rel a ni.
AMECC chuan, "Vawiin chawhma dar 11:00 khan Sorkar aiawh Pu H.Lalengmawia IAS(CS charge la mek) ho in AMCECC hruaitute an inbia a. Kan thu a inhmuh rih loh vangte, Sorkar aiawh nena kan inbiak lai a 'Hlawh Cut' na tur OM min chhuah hnan tak avangte in AMCECC Executive Emergency Meeting chuan Pen/Tool Down Strike hi kaltlangpui tur a ni tiin a rel a. Lungrual taka tangho tur leh, kan lungawilohna lantir hi zawm theuh turin kan in hriattir nawn leh a ni." an ti a.
"Department hrang hranga thawktuten zawm theuh turin kan in hriattir a. Zawm thalo emaw, a ruka hna lo thawk kan awm anih chuan AMCECC General Headquarter ah report tur a ni." tiin hriattirna an chhuah bawk.
AMCECC INFORMATION
14.4.2025
Pen/Tool Down Strike Chungchang
Vawiin chawhma dar 11:00 khan Sorkar aiawh Pu H.Lalengmawia IAS(CS charge la mek) ho in AMCECC hruaitute an inbia a. Kan thu a inhmuh rih loh vangte, Sorkar aiawh nena kan inbiak lai a 'Hlawh Cut' na tur OM min chhuah hnan tak avangte in AMCECC Executive Emergency Meeting chuan Pen/Tool Down Strike hi kaltlangpui tur a ni tiin a rel a. Lungrual taka tangho tur leh, kan lungawilohna lantir hi zawm theuh turin kan in hriattir nawn leh a ni.
Department hrang hranga thawktuten zawm theuh turin kan in hriattir a. Zawm thalo emaw, a ruka hna lo thawk kan awm anih chuan AMCECC General Headquarter ah report tur a ni.
Gen Secretary.
AMCECC
AMCECC Press Release
April 14, 2025
All Mizoram CSS Employees Coordination Committee (AMCECC) ten Sorkar lakah lungawilohna Pen/Tool Down Strike April ni 15,16, 17, 2025 a neih kan tum chungchangah Mizoram Sorkar aiawh Chief Secretary Charge la to Pu H. Lalengmawia hovin Vawiin 14th April, 2025 khan Chief Secretary Conference Hall-ah dar 11:00 AM ah Meeting neih a ni a, he meeting-ah hian Pen/Tool Down Strike neih kan tum thulh turin min ngen a, All Mizoram CSS Employees Coordination Committee (AMCECC) Emergency Meeting koh nghal niin, Sorkar lak atangin kan thil phut tihhlawhtlinna tur engmah lungawipui tur thu kan hmuhloh avangin Pen/Tool Down Strike April ni 15,16, 17, 2025 neih kan tum chu kaltlangpui tur a ni.
Tin, hetianga Mizoram Sorkar aiawh Chief Secretary Charge la tu Pu H Lalengmawia hova inbiakna kan neih mek laia Mizoram Sorkar in "Enforcement of CSS (Conduct) Rules, 1964 and No Work No Pay, chungchang Office Memorandum (No.C.13015/4/2020-GAD Dt. 14th April, 2025) min chhuah hnan leh nghal chu, CSS hnuaia hnathawkte hnuaichhiahna leh vauna lian tak nigh kan ngai a ni.
All Mizoram CSS Employees Coordination Committee ten Pen/Tool Down Strike neih kan tum hi kan tarlan tawh thin angin, Mizoram Sorkar kan kama leh lungawiloh tum ngawr ngawr kan ni lova, Mizoram Sorkar hnuaia CSS to kan ngheh ve theihna tur dan : Govt. Of Mizoram Regularization of CSS Employees scheme, 2024 DL 18th June, 2024 min siam sak tawh chu a taka a hlawhtling mai tura kan beisei laia, DP&AR(ARFP) atanga Office Memorandum (No.B.12018/1/2020-P&AR(ARF9 Dt. 21.10.2024) chhuaka checklist in min dal leh tak slat avanga loh theih lova Sorkar kan nawr a ngai hi hrehawm kan tun, kan nawrhna avanga tuartu mipuite hnenah in mi hriatthiamna leh ngaihdamna kan ngen e.
(MALSAWMTLUANGA HAUHNAR)
Chairman
(VANLALPEKA)
General Secretary
AMCECC Press Release
12th April, 2025
All Mizoram CSS Employees Coordination Committee (AMCECC) chuan ni 11.4.2025 (Zirtawpni) khan Executive Meeting pawimawh tak a nei a. Kan Press Release (Dt. 27.3.2025) hmanga Sorkar kan kohna chuan awmzia a neih tak loh avangin inthlahrung tak chungin sawrkar lakah lungawilohna Pen/Tool Down Strike chu April ni 15,16, 17, 2025 chhung hian neih ni se tiin a rel a ni. Damdawi in lama Emergency Duty te chu hriatthiam ni se a ti bawk. Mizoram Sorkar hnuaia Centrally Sponsor Scheme (CSS) Employees ten lungawilohna kan lantir avanga harsatna mipuiten kan tawk anih pawhin mipuite hriatthiamna kan ngen nghal a ni.
Kan Sorkar hian ‘Govt. of Mizoram Regularisation of CSS Employees Scheme, 2024’ min siamsak avangin kan lawm hle a, a hlawhtlinna nghakhlel taka kan thlir mek laiin, DP&AR(ARW) atanga Office Memorandum (21.10.2024) chhuaka checklist chuan harsatna nasa tak min siamsakin Department thenkhat proposal te hnawl a ni ta zel a. Chuvangin kan harsatnate hi kan Sorkar hian a rang thei ang bera min ngaihtuah sak a, Department hrang hrang hnuaia CSS thawkte dinhmun leh harsatna tawh mekte min chinfel sak tur leh a hnuaia kan tarlante hi chak taka hma min laksak turin kan ngen a ni.
1. Provisional Employees/State Contract-te tan an mamawh anga Departmental Promotion Committee (DPC) awlsam taka Sorkarin a siamsak thin ang hian CSS Employees-te tan DPC siam ngaiah leh Corresponding Post siam rem leh a tul dan a zira Equivalent/Temporary Post siam ngaiah min siamsak turin kan phut a ni.
2. CSS hnuaia thawkte hi hmasawnna hna hrang hrang thawktu leh Sorkar kut ke berte zing ami kan ni a, amaherawhchu, kawng hrang hrangah enhran leh hlamchhiah kan ni fo thin hi na kan ti a. Mizoram hmasawnna atan thahnemngai taka kan thawh angin hamthatna leh kan Service-ah min duhsak ve turin kan phut tlat a ni.
3. Mizoram Sorkar hnuaia a nghet a thawk ten a hun taka hlawh an lak thin laiin CSS hnuaia thawkte’n hlawh kan la mumal lo fo thin a, CSS kan kalpui danah tun aia chak leh zualin Central atanga Fund nawr chhuah a nih theih nan hma min laksak turin kan phut a ni.
All Mizoram CSS Employees Coordination Committee Pen/Tool Down Strike hian awmzia a neih loh chuan kan kal zel dan tur ngaihtuah leh a ni ang. Kan hmalakna avanga CSS employees te zing ami tupawhin harsatna tawk an awm a nih chuan AMCECC in a tul angin hma na takin a la zel ang.
(MALSAWMTLUANGA HAUHNAR) (VANLALPEKA)
Chairman General Secretary
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: