Aizawl | April 14, 2025: ZPM Thalai chuan vawiin khan, Minister te Hawng 440 nena sawizawmna social mediaa darh chungchangah Aizawl Police Station-ah FIR an thehlut.
He FIR-ah hian, hming 31 an tarlang a, Social media, a bikin Facebook-a thu dik tawk lo thehdarhte an bei let a ni.
Hemi chungchangah hian, MNYF chuan thuchhuah siamin, "Henry chungchanga an FIR ZPM Thalaiin ennawn se, Social Mediaah Ministerte thu dik lova puh an nih chuan Minister te zawkin FIR thehlut rawh se" an ti thung.
MNYF chuan, Tun kumkhat chhung vel hian Mizoramah drugs a sumdawnna a hluar nasa hle a, drugs cartel (drugs a sumdawng lian intelkhawm) phenah thuneitu sangte an awm em ni tih thlengin a chhuidawn theih awm e." an ti a.
"Tunhnaia Drugs tam tak man chungchanga Jail tang mek Henry-a leh a Minister thiante chungchang viral videos kaihhnawiha ZPM Thalaite FIR leh PR dt 14.4.2025 thu leh hlate hi a hnuaia points hmang hian a chhan dan theih awm e," tiin point hrang hrang an dah.
1. Drugs a sumdawng lian nia an chenna veng (Dinthar Veng) ten YMA membership an hlihsak ngei Henry-a te Dawr chu ZPM Minister Dr Vanlalthlana’n fak chungin a hawn sak. (Dawood Ibrahim a functionah Union Minister nilai tel se mipuiin an puh nasa ngawt ang).
2. MLA Election Result puan laiin tuna Excise Minister Tetea Hmar te inah ngei Henry-a hian Vote chhiar a ngai thla tih visual proof a awm a, hei vang pawh hian Henry-a leh an Bialtu Minister hian inkungkaihna an nei ang tih rin loh rual a ni lo.
(Indian Drug smuggler Vicky Goewami hian Amit Shah hi campaign puiin a result puan niah Amit Shah te inah lawmin au vel sela Amit Shah leh BJP party chu mipuiin an bei nasa khawp ang.)
3. Vaivakawna Ruihhlo Do programme a phur taka tel si Dinthar Vengin Ruihhlo Do Kawngzawh an neih tuma bibo ta daih Excise Minister hi miten an ringhlel anih pawhin a mawh lem lo a nia!! A biala veng 2 te Ruihhlo Do programme ve ve si a a tel leh telloh dan hi a mak tlat alawm. Hetiang issue lianah Excise Minister a ngawi tlat hi mipuiin mak kan ti.
4. Drugs case lian takah Excise Minister bial ngei Dinthar veng chu an buai luih luih a, Dinthar Veng thil thlengah hian Bialtu MLA leh Excise Minister ni bawk hian Pu Henry-a te chhung nge a tan a Dinthar Veng mipui tih hi puang chhuak law law rawh se.
5. Dinthar Veng drugs issue ah hian Minister a inrawlh ngam lo anih pawhin Val Upa Council tal inrawlh in Sorkar dinna leh sorkar tan lam puangchhuak rang rawh se.
Social Media-ah posts tam tak a awm laiin party politics a huatzawng te thlang chhuaka ZPM Thalaiten FIR an submit hi a mak takzet a. He Drugs case ah hian ZPM Thalaite puh an ni reng em ni? An PR a an sawi anga an Minister te dawta puh an nih chuan Minister te chuan FIR chu submit zawk se a dik ang chu mawle!! Nge ZPM Thalaite hian an Minister te hi Indirect takin an bei duh hrim hrim zawk le?? He FIR avang hian boruak a sosang chho a nih pawhin ZPM Thalaite cho chhuah a ni ang.
MNYF chuan, "Zu leh Drugs, Beer leh Wine siam, zawrh leh in te hi Kohhranin a duh lo a, kan hnam min eichhe mektu an nih avangin Mizo mipuiin i do tlat ang u." an ti bawk.
ZPM Thalai Hq. Vice President Rokhuma Press Statement
KAN RAM TICHHETU RUiHHLO TiREM TURA HOME DAPARTMENT, EXCISE & NARCOTICS DEP ARTMENT LEH CYMA-TE HMALAKNA FAKAWM KAN TI
ZPM Thalai Headquarters chuan kan thalaite nun tichhetu, kan ram leh khawtlangin kan buaipui, Ruihhlo tirem tura Home Department, Excise & Narcotics Department leh CYMA- te'n thawhhona tha tak neia, huai tak leh chak taka an hmalakna hi fakawm kan ti takzet a ni.
ZPM kaihhruai sorkar-ah dan lova Kuhva tawlh ruk titawp turin beihpui thlak a ni mek a, ruihhlo tirem turin chak taka hma lak a ni bawk. Kuhva leh ruihhlo tawlh ruk man tura Mizoram Police leh Excise & Narcotics-te ministry atanga an kut phuarsakna awm lova huai tak leh thahnemngai taka kan ram damna tura an hmalakna hi a chhuanawm kan ti hle a ni.
EXCISE & NARCOTICS HMALAKNA Ruihhlo do kawnga hmalakna thuam chak turin district thar pathum - Khawzawl, Hnahthial leh Saitualah nikum December thla khan Excise & Narcotics Station hawn thar a ni a, Excise Department thuam chakna atan lirthei thar 18 pek an ni - he department din hnua a hlawma lirthei an dawn thahhnem ber a ni nghe nghe. ZPM-in rorelna a chan hnuah ruihhlo mantu Department hi nasa taka thuam a ni a, Minister thahnemngai tak hnuaiah District hrang hrangah kohhran, khawtlang hruaitute leh sorkar mi pawimawhte nen ruihhlo do chungchang leh ruihhlo ngaite enkawl danah meeting neih a ni tawh, hetianga ruihhlo dona kawnga District hrang hrang tlawh kuala kohhran, tlawmngai pawl leh sorkar aiawhte in kawm khawm hi thil thar a ni - District pathumah ruihhlo do kawnga inkawmna hi Chief Minister Pu Lalduhoma hova neih a ni nghe nghe. Kum 2024 chhung khan Excise Department hian Heroine (No. 4) hi Kg 46.68 zet an man a, kum 2025-ah April 13 thlengin Kg 16 an man tawh a, hei hian he sorkarin ruihhlo dona kawnga ke a pen nasat zia a tilang. A hlawma a lian tham man pawh an nei nual a, April 3, 2024 khan Hawng 440 (Kg 5 leh gram 427) chu Falkland-ah man a ni a, Lalnunmawia, Tripura lam mi leh Lalchawiliana, Khampat, Myanmar-te man an ni a, thubuai siamsak an ni. January 24, 2025 khan Heroine Hawng 440 vek hi Chhungte, Champhai District-ah man a lo ni tawh bawk a, Gilbert Lalnunhlima, Bairabi leh Lalawmpuia, Zemabawk (Beraw) te man tel niin thubuai siamsak an ni.
Excise Department ringawt pawh hian ZPM a sorkar hnu hian Heroine hi a hlawm liana man a nei tawh thin a, hengte hi dan angin Department-in thuchhuah siamin mipuiah an puangzar a, Court lama rorel zui turin thubuai siamsak an ni a, hetiang hian chak takin hma an la chhunzawm zel bawk a, ZPM Thalai Headquarters chuan kan chhuang takzet a ni.
POLICE HMALAKNA KAN CHHUANG Mizoram Police hian kum 2024 chhung khan Heroine No. 4 Kg 80.814 zet an man a, a hlawm liana man pawh vawi eng emaw zat an nei tawh. Kum 2025 chhungin Heroine Kg 14.572 an man tawh bawk a, hetiang zat ruihhlo man tur hian an thawkrimin an bei nasa hle tih a chiang a, an chhuanawm kan ti takzet a ni.
Heroine hi a hlawm lianin an lo man fo tawh a, kum 2024 March-ah khan Kg 5.394 zet chu man niin he thilah hian V Lalramchhuanmawia, Vengthar, Champhai man a ni. November, 2024 khan a hlawma heroine man lian ber pawl Kg 8.058 (Hawng 664) zet man niin Tlangsam khaw mi pathum Lalrohnuna Fanai, Tlanghmingthangi leh H Lalmuanzuala te man tel an ni Mizoram Police hmalaknain March 15, 2025-a Heroin Kg 4.722 (hawng 440) kaihhnawihah Henry Lalbiakzinga Chhundeng, Dinthar leh a thawhpui Laltluangzela man an ni hi lawmawm kan ti a, ZPM Thalai Hqrs. chuan kan Police-te huai tak leh chak taka an chetna hi kan chhuang hle a ni. Mizo thalaite thihna tur ruihhloa sumdawng duhtute hi ram leh hnam hmelma an niin kan dem takzet a, hemi kawnga Mizo thalaite chet chhuahna hi ZPM Thalai Headquarters chuan a thlawp tlat a ni.
ZPM BEIHNA DAN HMANGIN KAN UMZUI DAWN
Tun hnaia Heroine Kg 4.722 chungchangah fak phu tak kan Police-te pawh fak hman lo leka Henry Lalbiakzinga Chhungdeng nena ZPM-in inzawmna nei ang leh,Politics chhe mi he Mizoramah awm tawh lo se kan tih hmanga dawt thu phuahchawp a ZPM Minister leh Party hruaitute tihhmingchhiat tumna tenawm tak hi ZPM Thalai Headquarters chuan tha kan ti lo a, thubelhchian dawl lo theh darhtute hi a tawp thlenga dan hmanga umzui kan tum. Ram hlui zia politics changchawitute'n thlalak hlui hrang hrang zawng khawm a, zeldin thubawla dawt phuahchawp hmanga mipui rilru ruai kawi thei tura social media-a thu an vawrh darh hi ZPM Thalai chuan kan ngai thutak hle a; ruihhlo tawlhtu hnen atanga ZPM-in pawisa an dawng anga inpuhna phei hi chu ngawih bopui chi-ah kan ngai lo a ni. He dawt thu hmanga kan Minister-te leh ZPM Party beihna hi intihhmingchhiat tumna ni ngeia kan ngaih vangin vawiinah hian mipui hmaah thu dik hailan a nih theih nan ZPM dawt a min beitute lakah hian FIR kan thehlut dawn a ni.
Tin, ZPM kaihhruai Sawrkar ah Mizoram Police leh Excise Department hian tun hma pawhin a hlawm lianin Heroine hi an lo man fo tawh a, media hmaah kan Minister-te hian hming that lak tuma thupuan emaw, sawifiah emaw an nei ngai lo a, Sawrkar bmasa ah pawh a awm kan hre ngailo a, Department-in thu an chhuah bak chu media hmaah hetiang thil hi an sawifiah zui ngai lo. Tun hnaia Heroine Hawng 440 manah pawh a mantu Police Department- in an thuchhuah hmanga an puanzar hi thil kalphung pangngai a ni a, Police-in a chhui hna an thawh zawh rualin Court chinfel turin an thehlut thin a ni.
LA WMTHU SAWINA
Tun hnaiah mipui nawlpuiin ruihhlo an duh lohna leh ruihhlo do hna chak taka kalpui an thlawpzia social media hmanga lo lang chhuak te, a taka kawngzawh Ieh thil danga thawk chhuaktute chungah ZPM Thalai Headquarters chuan lawmthu a sawi takzet a ni. Kan ram hmelna ruihhlo do hna hi tan rualna nen chauh lo chuan hneh theih al ni lo ruihhlo duh lohna boruak lo alh sang zel hi ZPM Thalai chuan lawmawm ti takzet man chhuah tur dang an 1a awm a nih phei chuan man chhuah kawnga thuneitute pui turin Mizo mipuite kan sawm a ni. Political Party hrang hrangte pawh he kan ram tichhetu Ruihhlo do kawngah hian party politics rilru dah bova, kan Police leh tlawmngai pawlte tha tichak zawnga tanrualpuiah kan sawm takzet a ni.
CYMA hnuaia CADS leh YMA Branch hrang hranga Ruihhlo donaa tlawmngaia beitute avanga Ruihhlo tam tak man a ni thin hi ropui kan ti takzet a, anni hi mipui nawlpui hriatpui loh pawha a lang lo lama huaisen taka ruihhlo do a feh chhuak thin, zan tam tak tlaivara mahni insengsoa beitute an ni a, Mizoram tana an thawhna hi a chhuanawm kan ti hle a ni. Ruihhlo tawlhruk vei em em. mahni Department chhung mai ni loa khawtlang, kohhran leh ruihhlo dona kawnga thawktute nena vawi eng emaw zat feh chhuak thin kan Minister-te kan chhuang a, huaisen taka kel zel tura kan duh bakah hriselna tha nena ram rawngbawl zel turin duhsakna kan hlan bawk a ni.
MNYF Hqrs. Aizawl THUCHHUAH
No.43 of 2025-26
*HENRY-A CHUNGCHANGA AN FIR ZPM THALAI TEN ENNAWN SE, SOCIAL MEDIA AH MINISTER TE THUDIK LOVA PUH AN NIH CHUAN MINISTER-TE ZAWK IN FIR SUBMIT RAWH SE*
- MNYF
Tun kumkhat chhung vel hian Mizoramah drugs a sumdawnna a hluar nasa hle a, drugs cartel (drugs a sumdawng lian intelkhawm) phenah thuneitu sangte an awm em ni tih thlengin a chhuidawn theih awm e. Tunhnaia Drugs tam tak man chungchanga Jail tang mek Pu Henry-a leh a Minister thiante chungchang viral videos kaihhnawiha ZPM Thalaite FIR leh PR dt 14.4.2025 thu leh hlate hi a hnuaia points hmang hian a chhan dan theih awm e.
1. Drugs a sumdawng lian nia an chenna veng (Dinthar Veng) ten YMA membership an hlihsak ngei Pu Henry-a te Dawr chu ZPM Minister Dr Vanlalthlana’n fak chungin a hawn sak.(Dawood Ibrahim a function ah Union Minister nilai tel se mipuiin an puh nasa ngawt ang).
2. MLA Election Result puan laiin tuna Excise Minister Pu Tetea Hmar te inah ngei Pu Henry-a hian Vote chhiar a ngai thla tih visual proof a awm a, hei vang pawh hian Pu Henry-a leh an Bialtu Minister hian inkungkaihna an nei ang tih rin loh rual a nilo.(Indian Drug smuggler Vicky Goewami hian Amit Shah hi campaign puiin a Result puan niah Amit Shah te inah lawmin au vel sela Amit Shah leh BJP party chu mipuiin an bei nasa khawp ang.)
3. Vaivakawna Ruihhlo Do programme a phur taka tel si Dinthar Vengin Ruihhlo Do Kawngzawh an neih tuma bibo ta daih Excise Minister hi miten an ringhlel anih pawhin a mawh lem lo a nia!! A biala veng 2 te Ruihhlo Do programme ve ve si a a tel leh telloh dan hi a mak tlat alawm. Hetiang issue lianah Excise Minister a ngawi tlat hi mipuiin mak kan ti.
4. Drugs case lian takah Excise Minister bial ngei Dinthar veng chu an buai luih luih a, Dinthar Veng thil thlengah hian Bialtu MLA leh Excise Minister ni bawk hian Pu Henry-a te chhung nge a tan a Dinthar Veng mipui tih hi puang chhuak law law rawh se.
5. Dinthar Veng drugs issue ah hian Minister a inrawlh ngam lo anih pawhin Val Upa Council tal inrawlh in Sorkar dinna leh sorkar tan lam puangchhuak rang rawh se.
Social Media-ah posts tam tak a awm laiin party politics a huatzawng te thlang chhuaka ZPM Thalaiten FIR an submit hi a mak takzet a. He Drugs case ah hian ZPM Thalaite puh an ni reng em ni? An PR a an sawi anga an Minister te dawta puh an nih chuan Minister te chuan FIR chu submit zawk se a dik ang chu mawle!! Nge ZPM Thalaite hian an Minister te hi Indirect takin an bei duh hrim hrim zawk le?? He FIR avang hian boruak a sosang chho anih pawhin ZPM Thalaite cho chhuah a ni ang.
Zu leh Drugs, Beer leh Wine siam, zawrh leh in te hi kan Kohhranin a duh lo a, kan hnam min eichhe mektu an nih avangin Mizo mipuiin i do tlat ang u.
MNF - Pathian Leh Kan Ram Tan.
Sd/- M.S.Dawngliana
Joint Secretary
Media & Publicity Department
Memo.No.MNYF/PR -43 Dt. 14.4.2025
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: