Aizawl | April 14, 2025: JK Tyre te buatsaih, Indian Racing Festival 2025 - 'A carnival of totak control chu' April 16 hian Tuirial Airfield-ah neih a ni dawn ta.
He hunah hian Indian driver leh rider tha te an inlan dawn a, an thiam thil hmuhnawm, ngaihsan awm leh mit titlai tak tak an entir ang.
Hemi chungchangah hian JK Tyre Motorsport Head Operations Hari Singh chuan vawiin tlai khan Hotel Royale Lalawi-ah thuthar thehdarhtute kawmin, JK Tyre buatsaih Indian Racing Festival chungchang a sawifiah a JK Tyre vek an hman tur thu a sawi a. Driver ṭha tak tak te'n ṭum khatah darkar chanve chhung vel ennawm an entir dawn.
He hunah hian, Car bakah Two wheeler pawhin ennawm an entir dawn a, kum 10 mi lek pawhin an thiam thil an entir dawn a ni.
Racing Festival hi April 16 tlai dar 2 aṭanga dar 5 chhunga neih tur a ni a. GIG Motors leh Nexa Aizawl-in an sponsor a, a hlawhtlin theih nan hian, partner ṭhahnem tak an awm bawk.
He festival hian Mizo ṭhalaite tan rah ṭha a chhuah ngei an ring a, Lirthei hmanga infiamna ngainatute tuihalna a dam ngei an ring a, hmalam zelah pawh thil ropui tak tak la buatsaih an tum bawk a ni.
He hunah a karlakah hnam lam leh zaia mipui awi tur an awm dawn a, Formula 4-a an car hman ang chi te pawh hmuh tur a awm dawn a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: