ISUA ZUI HLAWKNA KAWNG HNIH

_Isuan i nun a tihharh leh dan_

- Rick Warren

- Apr 15, 2025

“Kei khawvel entu ka ni; tu pawh mi zui chu thimah a leng tawplo vang a, nunna eng a nei zawk ang.” Johana 8:12 

Isua nena inlaichinna in neih chuan, hlawkna tam tak i tel ang, i kawng atan chianna leh ngialnghehna nen.

Chianna tiin ka han sawi a, i nun kawng tichiang lehzualtu a ni ang chu. Inlaichinna pawh fiah zawkin i hmu ang. I harsatna fiah zawkin i hmu ang. I hmalam hun fiah zawkin i hmu ang a. Engkim kha a fiah lehzual ang! Thawklehkhatah, buaina neuh neuhte kha a kiang ang. Kalna tur leh hawina lam tur a chiang ruak tawh ang.

Isuan, “Kei khawvel entu ka ni; tu pawh mi zui chu thimah a leng tawplo vang a, nunna eng a nei zawk ang.” Johana 8:12 

I nunah hian kawng daltu awmin i inhre thin em? Kalna tur hrelo ang hialin i inhria em? “Tunah ka tih mek hi a awmzia pawh ka hrelo” tiin i inngaihtuah thin em?

Chutianga i awm anih chuan Isua zui chu i hna hmasaah dah ang che. A chhan chu a ruahmanna leh a kawng i zawh chuan, i thiltihna turah kawng fiah zawkin a kawhhmuh thei ang che. Isua i zui chuan i thil hmuh pawh a chiang lehzual ang.

Isua zui hlawkna kawng dang lehah chuan an nghet tlat hi a ni. I nun buatsaihna turin innghahna nghet i nei ang.

Isuan in satu pahnih tehkhin thua a sawi kha, pakhat chuan tiauvut chungah a sa a, pakhat erawh chuan lungpui chungah a sa a nih kha. Thli leh ruah leh tui lian a lo thlenin, tiauvut chunga sak in chu a tlu a. Nimahsela, lungpui chunga insak chu a nghet a, a nghing ve lo a ni. 

Nun innghahna i neih a ngai a ni, a chhan chu, thlipui ila hmachhawn dawn si a. Inlaichinna, sum leh pai, hna leh kawng dang dangah thlipui ila hmachhawn dawn chauh a ni.

Thlipui a lo tleh hunah chuan eng nge i innghahna ni ang le? Innghahna mumal i neih loh chuan i tluchhe dawn. Isua i zui loh chuan, i tlukna daltu leh tinghettu i nei lo vang.

Isuan, “Chutichuan, mi tin heng ka thu hi hriaa zawm apiang chu, mi fing lungpui chunga in satu nen tehkhin tur a ni,” a ti. Matthaia 7:24

I nunah chuan chianna leh nghehna neih i duh chuan, Isua rinawm taka i zui angai a ni. A innghahna nghet tak mai leh a eng hmang chuan inringtawk takin ke i pen thei ang. 

Ngaihtuah zui atan

* Isua zui lo vin Kristian i ni thei em? Engvang nge?

* Pathian leh a Thu i zawm theihnan i nunah tanpui thei tu che an awm em?

* I nun eng thilah nge chian lehzualna i mamawh? Vawiinah hian Pathian hnenah engnge i sawi ang?

[Lettu: Sangpuia]