Aizawl | March 25, 2025: Zoram People's Movement (ZPM) Party Thalai chuan, vawiin khan thuchhuah siamin,Ruihhlô dona kawnga Mizoram Police leh Excise and Narcotics Department hmalakna chhuanawm an tih thu an tarlang.
ZPM Thalai chuan, "Ruihhlô (Damdawi) hman sualna a Mizo mipui leh chhungkua tam takin harsatna kan tawh lai mêk a, a phêna sum leh paia hlawkna a awm tih hria a, ruihhlô tawlh rûk kawnga inphum ru mi ṭhenkhatte man chhuak tura Mizoram Police leh Excise & Narcotics Department hmalak mêkna hi ZPM Ṭhalai Hqrs chuan chhuanawm kan ti a, an hmalak zelna tura theihtawp chhuaha ruihhlô dona kawnga chak taka hma an lak zel theih nan duhsakna kan hlán," an ti a.
Hetianga mahni hláwkna ûm duh luata Mizo ṭhalai tam takte nun tihchhiat pawi tiloa ruihhlô zuar an awm ṭhin erawh hi chu ZPM Ṭhalai chuan pawi an ti a, ruihhlôa sumdawnna hi Ram leh hnam hmelma nihna a ni tih hriaa a ti ṭhin te'n, he sumdawnna ṭhalo, hnam anga min suat theitu hi chhunzawm tawhlo turin an ngen nghal bawk.
ZPM Thalai thuchhuahah chuan, "Mizoram State zimte, International leh State dang ramriin a hual vel, ruihhlô tawlh rûkna kalkawng a mi ṭhenkhat te'n an hman mêk lai leh Mizo ṭhalai tam tak te'n, damdawi hman sualna avanga Nunna hlu tak an lo chân phah tawh fo bakah, damdawi hman sualnain a tih buai mêk ṭhalai tam tak te chhanchhuak tura ruihhlô do kawnga Sawrkar leh kohhran bakah NGO pawl hrang hrangte hmalak mêkna hi ZPM Ṭhalai Hqrs chuan theihtawp chhuahin a thlawp tlat zel dawn a ni." tiin an tarlang bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: