PATHIAN THILTUM CHU VANRAMA HRUAI THLEN CHE A NI

_Hringnuna Damna Rahbi_

- Rick Warren

- March 12, 2025

“Lalpa chuan kan sual la bo tura Isua Krista kan rin chuan min pawmin min zalentir dawn tih sawiin, thiam min chantir dawn a ni. Chutiang  chiah chuan kan vaiin, tupawh niin engkawng pawh lo zawh tawh ni mahila, Krista hnena inpein chhandam kan ni thei dawn a ni.” (Rom 3:22)

Bible chuan heti hian min hrilh, “Chumiah chuan rin lehzual nan, rinnain Pathian felzia chu a lo lang a, ‘Mi fel chu rinnain a dam ang,’ tia ziak ang khan.” (Rom 1:17)

Pathian thu vekin heti hian a sawi bawk, _“Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve; chuti lo chuan, miin an chhuang dah ang e.” (Ephesi 2:8-9)

Chanchin Tha chu Isua thihna leh thawhlehnain Pathian hnen thleng leh thei tura kawng a hawnsak che hi a ni. Tawngkam danga kan sawi dawn chuan, a Fapa Isua Krista i rin chauhin vanramah i lut theih tihna a ni.

Engtinnge Krista i rinna i lan chhuahtir? ABCD hi Pathian thu mila inkaihhruai dan awlsam leh chhandamna chu Isua kaltlangin a ni tih a hriatthar tir thin ang che.

*A - Admit you need a Savior.* *(Chhandamtu i mamawh tih pawm rawh)*

Mahniin Pathian i pan mai thei lo. Misual i ni a, kawng dik lo i zawh tawh. Vanram chu sualna awm lohna, hmun famkim a ni, mahse nang erawh i famkim lo.

Mahse Bible chuan heti hian a ti, “Kan sualte thupha kan chawi chuan, kan sualte ngaidam tur leh kan fel lohna zawng zawng tleng fai turin, amah chu a rinawmin a fel a ni.” (1 Johana 1:9)

Tin, tirhkoh Paula chuan heti hian a sawi bawk, “Lalpa chuan kan sual la bo tura Isua Krista kan rin chuan min pawmin min zalentir dawn tih sawiin, thiam min chantir dawn a ni. Chutiang  chiah chuan kan vaiin, tupawh niin engkawng pawh lo zawh tawh ni mahila, Krista hnena inpein chhandam kan ni thei dawn a ni.” (Rom 3:22)

*B - Believe in Jesus.* *(Isua ring rawh)*

Chhandamna chang tura i rin tur kawngah Bible chuan tlang takin heti hian a sawi: “Lalpa Isua ring la, tichuan, chhandamin i awm ang” (Tirhkohte 16:31). Chumi awmzia chu Bible-in Isua hi tunge a ni tih a sawi hi i ring tihna a ni a, i hmalam hun atan amahah rinna i nghat tlat a ni tihna a ni. 

Isuan heti hian a sawi, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo” (Johana 14:6).

Chu i rinna chu Isuaah a ni tur a ni: “I kain Isua chu Lalpa a ni tih i tana, mitthi zing ata Pathianin a kai tho tih i thinlunga i rin chuan, chhandamin i awm ang. Rinnain a ni Pathianah thiam kan chan ni; kaa Pathian tan avangin chhandamna an hmu bawk . . . ‘Tupawh Lalpa hming lam apiang chu chhandamin an awm ang’” (Rom 10:9-10, 13).

*C - Confess your commitment to Jesus.* *(I inpekna Isua hnenah puang rawh)*

I nun zawnah Isua i ring tih a hnenah hrilh la. Amah leh a thutiam i ring a ni tih hrilh rawh. Isuan heti hian a sawi, “Tu pawh mi ring chu kei mi ring a ni lo, mi tirtu ring a ni zawk e. Tu pawh mi hmu chu mi tirtu hmu a ni. Entua khawvela lo kal ka nih hi, tu pawh mi ring apiang thima an awm reng loh nan” (Johana 12:44-46).

*D - Depend on God’s promises.* *(Pathian thutiamah innghat rawh)*

Johana 3:16-a Pathian thutiam hi innghah nan i hmang thei ang: “Pathianin khawvel a hmangaih em em a, chutichuanm a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zawk nan.” Eng thil pawh lo ti tawhin eng anga rei pawh lo ti tawh mahla, Pathian chuan Isua ring apiangte chu amah nen chatuanin vanrama an chen tur thu a sawi a ni.

*Isua hnena nun inhlanna*

Isua i la ring lo va, a hnung zui tura i la inpe lo anih chuan engah nge i la nghah khaw tlai ang? Heti hian han tawngtai la:

“Isu, nang ka rin che chuan eng thil sual  pawh lo ti tawh mahila ngaihdam ka ni ang tih leh vanramah min pawm dawn a ni tih min tiam a. Ka chhandamna chang tura ka thawh a ngaih loh avangin lawmthu ka hrilh a che, krawsa Isua thihna avanga Pathian thil thlawn pek a ni e.

“I hmaah ka sual ka puang a, min Chhandamtu i ni tih ka pawm e. Ka nunah lal atan ka thlang a che. Vawiin hian ka nun zawng i hman atan ka pe e. Ka nun zawng mahni tana hmang lovin i tana hman ka duh tawh. Ka nun i tan ka hlan a, min chhandam a i chhungkuaa min pawm turin ka dil a che. Isua hmingin, Amen.”

Isua ring tura i  tawngtai tawh a nih chuan Rick@PastorRick.com ah hian min lo hrilh la, Isua nen zinkawng in zawh dun theih nana pui tur chein hmanraw tangkai ka lo thawn dawn che nia.

Ngaihtuah zui atan.

* Krista rinna puanchhuah nana ABCD inkaihhruaina kha en la. Isua hnenah i nun i la hlan lo a nih chuan, engin nge dal che? Tunah chu kawng zawh tur chuan i inpeih em?

* Isua zuitu i nih chuan vawiin kan zirlai hian engtinnge Isua min chhandamna a hrilh nawn che? Tunkar chhung hian tu hnenah nge chanchin tha i hrilh ang?

* Pathian chuan Isua ring apiangte chu vanramah amah nen an chendun tur thu min tiam. Chu thutiam chuan engtinnge i nunah danglamna a thlen?

*[Lettu: Sangpuia]*