Awle, vawiin ah hian, kan rama rorelnaa kan hotupa ber, HOUSE LEADER ni bawk tawngkam deng khawng leh lungchhiatthlak tak avangin, ADCC te chuan chak lo leh, loh theih lohva ngaia vawiin proramme pawi mawh tak hman angai ta mai hi pawi kan ti hle a ni. Hun kan hman chhunga mipui leh lirthei che vel teah harsatna kan lo siam palh a nih pawhin, ram leh hnam leh mipuite tan a ni tih min hriatpuia, hrethiam chunga min rawn zawmpui tur pawhin ka in sawm nghal a ni.
Democracy ram a nih angin, mipuiten beiseina sang tak nen kan ram, kan hnam, mipuite min hruaitu tur kan thlangchhuak thin. Chung kan thlanchhuahte chuan, Zofa tena kan hmuh leh hriat ngai loh hmasawnna tam tak, thangtharte chhun zawm tur min hnutchhiah mek a ni. Khangah khan mipui duhthusam diak diak chu a la thleng hmanlo mai thei.
Ka sawi duh hmasa chu;
1). K an Politician kal ta, tha leh zung, ril tam leh hreawm tuara nunna hial thapa kan ram leh hnam tana lo thawk tawh tu zawng zawngte leh vawiin thlenga thawktute, inchungah lawmthu ka sawi a ni.
2). That lai leh chakna zawng zawng senga, Sorkar tana thawktu kan Sorkar hnathawktute in fak awm ka ti a lawmthu ka sawi bawk a ni.
3). Kohhran leh NGO te hmingchhiat leh hreawm pawisalo, hlawh leh hamthatna phut miahl ova Sorkar, ram leh hnam tana in in pekna chhuanawm ka ti a lawmthu ka sawi tak meuh a ni.
Hun inthlak in kan duhdan leh hmasawnna a thlak thin angin, Politician leh kan ram hruaitute a kan beisei pawh a inthlak zel a nih hi. Hei hi thil nihphung tur pawh a ni e.
Rorelna fawng vawn tumin Political Party hrang hrang te mipuiah kan in zuar thin. Vawiina kan hrawn mek Sorkar pawh hian chutiang chuan mipuiah inzuarin, ram tana theih tawp chhuahtute leh Sorkar hnathawktute thlenga beisei an phak loh thu leh tha ber ni awma an insawi avngin vawiin chuan rorelna kan pe a ni. A mah erawh chu, Zoram mipuite u, hei hi lo ngaihtuah the u;
(1). Kum khat pumhlum teh meuh rorelna an chelh chhung khan vawi engzat nge an in sawifiahna mipuiin kan hriat tak.
(2). Mipui nawlpui thla kipa hlawh la ve lo te dinhmun min siam tha hmasa lovin, nitin eichawp zawngtute pawisa bawm zenpui chungin sorkar an kalpuia, mittui nen kan thu tan der chu a nih hi. Kuthnathawktute beisei 2 bo va, an beisei leh an thawhrah tel aiin,
(3). beidawnna ruamah hnuh luha an awm mek avangin mittui nen hun an hmang a nih ber tak hi.
Ni 10/March/2025 (Thawhtanni) a kan ram rorelna insang bera thil thleng khan mipuite minva barakhaih chiang ve aw.
Kan CM leh house Leader ni bawkin, mahni MLA pui, kha leh chen ram leh hnam tana hun leh tha thahnemngaitaka hlantu Pu C.Ngunlianchunga chu ATICIPATORY BAIL dil turin thu rawn a pe hmiah mai. Chu bakah, kan Sorkar hnathawktute pawh zah pahna leh dimdawihna awmlovin tawngkam dengkhawng tak nen a thuhnuai mek a nih hi. Kan CM hian a thuneihna hi talhfiaka a hmang zel dawn a nih chuan, Zoram mipuite U, kan hmalam hun hi ngaihtuah chian a ngaiin ava lungchhiatthlak dawn em.
Kan CM hian heti taka mahni MLA pui Pu C.Ngunlianchunga chunga rikrapna tawngkam a hman avang hian ngaihdam a dil hi awm ka tihpuiin ka phut bawk a ni.
Kut hnathawka eizawngte leh thalai ten Sorkar hi eng chennm nge an insawi anga kan thlamuanna tur atan min la nghahtir dawn tih pawh hi ka zawt tel bawk a ni.
A tawpa ka sawi duh chu;
1. Hun kal tawh chu, hunin liampui se, Kristianna, Zo nunze mawi kan tih te kha khawiah nge a awm taka, roreltute hian vawn nun zel kan tum em
2. Democracy pal zutna ni a lang thei hi a tha lova, Zoram mipuite u, i dodal ngam ang u.
3. Kan ram rorelna in sang ber, Assembly House zahawmna tih bawrhban a nih loh nan kan aiawha kan thlan leh turah mipuite i fimkhur ang u.
4. Dan hian thleibik nei lova ro a rel theih nan mipuite i tangrual zel ang u.
A tawp berah chuan;
⁃ Johana 8:7-" In zinga sual neilo a piangin amah chu lungin deng hmasa rawhse" a tih hian, kan ram rorelna insang bera vaukhanna thu ka lo hriat hian minti hrechhuak a ni.
⁃ Kan ram rohlu, hruaitu hmasa ten, nunna thapa an sual chhuah leh kan chhawr tangkai mekte, pawisaa chantir tur laka veng thaa, vawng hima, hmasawnna nena chebawl turin nang leh kei hi mawhphurtu kan ni.
⁃ Mizoram mizo ta, nang leh kei hi duata enkawltu leh mipuite thlamuanna kan ni, ka lawm e.
- Lalhmingthanga Pachuau President ADCC 12.03.2025 (Wednesday)
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
👍
ReplyDeletePost a Comment
He post chungchanga i ngaihdan lo sawi ve rawh: